കോട്ടയം: മദ്യപിച്ച് വാഹനമോടിച്ച് വഴിയാത്രക്കാരനെ ഇടിച്ചിട്ട സംഭവത്തില് സീരിയല് നടന് സിദ്ധാര്ഥ് പ്രഭുവിന്റെ ലൈസന്സ് സസ്പെന്ഡ് ചെയ്യും. അപകടമുണ്ടാക്കിയത് ചോദ്യം ചെയ്യാനെത്തിയ നാട്ടുകാരെയും പൊലീസിനെയും സിദ്ധാര്ഥ് അക്രമിച്ചിരുന്നു. ഇതിന്റെ ദൃശ്യങ്ങള് സോഷ്യല്മീഡിയയില് വ്യാപകമായി പ്രചരിക്കുകയും ചെയ്തു. പരിക്കേറ്റ ലോട്ടറി വില്പ്പനക്കാരന് ചികിത്സയിലാണ്.
24ന് രാത്രി നാട്ടകം ഗവണ്മെന്റ് കോളേജിന് സമീപം എം.സി റോഡില് വെച്ചാണ് സിദ്ധാര്ഥ് അപകടമുണ്ടാക്കിയത്. മലയാള സീരിയല് പ്രേക്ഷകര്ക്ക് സുപരിചിതനായ സിദ്ധാര്ഥ് പ്രഭു തട്ടീം മുട്ടീം, ഉപ്പും മുളകും എന്നീ സീരിയലുകളില് അഭിനയിച്ചിട്ടുണ്ട്. റിയാലിറ്റി ഷോകളിലൂടെയാണ് അഭിനയരംഗത്തേക്ക് കടക്കുന്നത്.