ഇന്ത്യ – ബംഗ്ലാദേശ് രണ്ടാം ടെസ്റ്റിന്റെ രണ്ടാം ദിനം മഴയെ തുടര്ന്ന് കളി തുടരാനാകാത്ത സാഹചര്യമായതിനാല് മത്സരം ഉപേക്ഷിച്ചു. കേന്ദ്ര കാലാവസ്ഥ വകുപ്പിന്റെ പ്രവചനമനുസരിച്ച് കാന്പൂരില് ഞായറാഴ്ചയും ശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.
മഴയെ തുടര്ന്ന് ആദ്യ ദിനം 35 ഓവര് മാത്രമാണ് പന്തെറിയാന് കഴിഞ്ഞത്. മൂന്ന് വിക്കറ്റ് നഷ്ടത്തില് 107 റണ്സ് എന്ന നിലയിലാണ് ബംഗ്ലാദേശ്.
ബംഗ്ലാദേശ് ഓപ്പണര്മാരായ സക്കീര് ഹസന്, ഷാദ്മാന് ഇസ്ലാം എന്നിവരെ ഇന്ത്യന് പേസര് ആകാശ് ദീപ് മടക്കിയപ്പോള്, ഓഫ് സ്പിന്നര് അശ്വിന് ബംഗ്ലാദേശ് നായകന് നജ്മുല് ഹൊസൈന് ഷാന്റോയെ മടക്കി.
ചെന്നൈ ടെസ്റ്റില് 280 റണ്സിന് വിജയിച്ച ഇന്ത്യ രണ്ട് മത്സരങ്ങളുടെ പരമ്പരയില് 1-0ന് മുന്നിലാണ്.