ഇന്ത്യയ്ക്കെതിരെ മുന് പാക് താരം മുഹമ്മദ് ആമിര്. ട്വന്റി 20 ലോകകപ്പിന്റെ സെമി ഫൈനലില് ഇന്ത്യ കടക്കില്ലെന്നും സൂപ്പര് എട്ടോടെ നിലവിലെ ചാംമ്പ്യന്മാരുടെ കഥ കഴിയുമെന്നും ആമിര് പറയുന്നു.
ബാറ്റിങ് തകര്ച്ചയാണ് ഇന്ത്യ നേരിടുന്ന വെല്ലുവിളിയെന്നും കഴിഞ്ഞ മൂന്ന് മത്സരം നോക്കിയാല് ഇത് പ്രകടമാണെന്നും ആമിര് പറയുന്നു. ദക്ഷിണാഫ്രിക്കയും വെസ്റ്റ് ഇന്ഡീസും ഇത് പ്രയോജനപ്പെടുത്തുമെന്നാണ് താന് കരുതുന്നതെന്നും അദ്ദേഹം ‘ഹാര്ന മനാ ഹെ’യില് പറഞ്ഞു.’ ഇന്ത്യയുടെ ബാറ്റിങ് നോക്കൂ, എല്ലാത്തിലും അവര് തകര്ന്നു. സൂപ്പര് എട്ടില് സമ്മര്ദം അതികഠിനമായിരിക്കും. ദക്ഷിണാഫ്രിക്കയും വെസ്റ്റ് ഇന്ഡീസും കളിക്കുന്ന രീതി നോക്കൂ.. അവര്ക്ക് ഏത് ടീമിനെയും തോല്പ്പിക്കാനുള്ള കരുത്തുണ്ട്’. ഗ്രൂപ്പ് എയില് നിന്ന് ദക്ഷിണാഫ്രിക്കയും വിന്ഡിസും സെമിയില് കടക്കുമെന്നാണ് ആമിര് പറയുന്നത്.
തോല്വിയറിയാതെയാണ് ട്വന്റി 20 ലോകകപ്പിന്റെ പത്താം എഡിഷനില് ഇന്ത്യ സൂപ്പര് എട്ടിലേക്ക് എത്തിയത്. ഞായറാഴ്ച അഹമ്മദാബാദില് ദക്ഷിണാഫ്രിക്കയ്ക്കെതിരെയാണ് ഇന്ത്യയുടെ ആദ്യ സൂപ്പര് എട്ട് പോരാട്ടം.