ആയിരത്തിന്റെയും അഞ്ഞൂറിന്റെയും നോട്ടുകള് നിരോധിച്ച 2016ലെ കേന്ദ്രസര്ക്കാര് നടപടിയെ ചോദ്യം ചെയ്തുള്ള ഹര്ജികളില് സുപ്രീംകോടതി ഇന്ന് വിധി പ്രസ്താവിക്കും. ജസ്റ്റിസ് അബ്ദുല് നസീറിന്റെ നേതൃത്വത്തിലുള്ള അഞ്ചംഗ ഭരണഘടന ബെഞ്ചാണ് കേസില് നിര്ണായക വിധി പുറപ്പെടുവിക്കുക.
നോട്ട് നിരോധനവുമായി ബന്ധപ്പെട്ട രേഖകള് ഹാജരാക്കാന് ഡിസംബര് ഏഴിന് കേന്ദ്രസര്ക്കാരിനും റിസര്വ്ബാങ്കിനും കോടതി നിര്ദ്ദേശം നല്കിയിരുന്നു. നോട്ട് നിരോധനത്തെ ചോദ്യം ചെയ്ത് ഒട്ടേറെ ഹര്ജികളാണ് കോടതിയില് വന്നിരുന്നത്.