ഖത്തറില് ഇസ്രാഈല് നടത്തിയ ആക്രമണത്തില് രക്തസാക്ഷികളായവരെ ഖബറടക്കി. കൊല്ലപ്പെട്ട സുരക്ഷാ സേനാംഗം സഅദ് മുഹമ്മദ് അല് ഹുമൈദി അല് ദോസരി അടക്കം ആറു പേരെയാണ് ഖബറടക്കിയത്. അല് ദോസരിക്ക് പുറമേ ഹമാസ് നേതാവ് ഖലീല് അല്ഹയ്യയുടെ ഓഫീസ് ഡയറക്ടര് ജിഹാദ് ലബാദ്, അല്ഹയ്യയുടെ മകന് ഹുമാം അല്ഹയ്യ, അംഗരക്ഷകരായ അബ്ദുല്ല അബ്ദുല് വാഹിദ്, മുഅ്മിന് ഹസ്സൗന, അഹമ്മദ് അല്മംലൂക്ക് എന്നിവരാണ് ആക്രമണത്തില് കൊല്ലപ്പെട്ടിരുന്നത്.
ദോഹയിലെ ശൈഖ് മുഹമ്മദ് ബിന് അബ്ദുല് വഹാബ് മസ്ജിദില് ജനാസ നമസ്കാരം നടന്നു. ഖത്തര് അമീര് തമീം ബിന് ഹമദ് ആല് ഥാനി നമസ്കാരത്തില് പങ്കെടുത്തു. മിസൈമീര് മഖ്ബറയിലാണ് ഖബറടക്കിയത്.