Connect with us

india

ജയലളിതയുടെ തോഴി ശശികലയുടെ 2000 കോടിയുടെ ആസ്തി ആദായനികുതി വകുപ്പ് മരവിപ്പിച്ചു

അവിഹിത സ്വത്തുസമ്പാദനക്കേസില്‍ ശിക്ഷിക്കപ്പെട്ട് 2017 ഫെബ്രുവരി മുതല്‍ പരപ്പന അഗ്രഹാര ജയിലില്‍ കഴിയുകയാണ് ശശികല.

Published

on

ചെന്നൈ: തമിഴ്‌നാട് മുന്‍ മുഖ്യമന്ത്രി ജയലളിതയുടെ തോഴി ശശികലയുടെ 2000 കോടിയുടെ ആസ്തി ആദായനികുതി വകുപ്പ് മരവിപ്പിച്ചു. ബിനാമി നിരോധന നിയമപ്രകാരമാണ് സ്വത്ത് മരവിപ്പിച്ചത്. രണ്ടിടങ്ങളിലായി സ്ഥിതിചെയ്യുന്ന 300 കോടിയുടെ ഭൂസ്വത്തുക്കളും മരവിപ്പിച്ച ആസ്തിയില്‍ ഉള്‍പ്പെടുന്നുണ്ട്.

സിരുതാവൂര്‍, കോടനാട് എന്നിവിടങ്ങളിലാണ് ഈ വസ്തുവകകള്‍ സ്ഥിതി ചെയ്യുന്നത്. ശശികല, ഇവരുടെ ബന്ധുക്കളായ ഇളവരശി, സുധാകരന്‍ എന്നിവരുടെ പേരിലാണ് ഈ ഭൂസ്വത്തുക്കളുള്ളത്. ആദായ നികുതി വകുപ്പിന്റെ ബിനാമി പ്രൊഹിബിഷന്‍ വിഭാഗം ഈ വസ്തുവകകളുടെ പുറത്ത് നോട്ടീസ് പതിപ്പിച്ചു.

അവിഹിത സ്വത്തുസമ്പാദനക്കേസില്‍ ശിക്ഷിക്കപ്പെട്ട് 2017 ഫെബ്രുവരി മുതല്‍ പരപ്പന അഗ്രഹാര ജയിലില്‍ കഴിയുകയാണ് ശശികല. അവരുടെ രണ്ട് ബന്ധുക്കളും സമാനമായ കേസില്‍ ശിക്ഷിക്കപ്പെട്ട് ജയില്‍ ശിക്ഷ അനുഭവിക്കുന്നുണ്ട്. 1997ലും 2014ലും ശശികല അവിഹിത സ്വത്ത് സമ്പാദനക്കേസുമായി ബന്ധപ്പെട്ട് ജയിലില്‍ കഴിഞ്ഞിട്ടുണ്ട്.

india

ആരാധികയെ പീഡിപ്പിച്ച കേസില്‍ മുന്‍ ഐ.പി.എല്‍ താരം അറസ്റ്റില്‍

ആരാധികയെ ഹോട്ടല്‍ മുറിയില്‍ വിളിച്ചു വരുത്തി പീഡിപ്പിച്ച കേസില്‍ മുന്‍ നേപ്പാള്‍ ക്രിക്കറ്റ് ടീം ക്യാപ്റ്റനും മൂന്‍ ഐപില്‍ താരവുമായ സന്ദീപ് ലാമച്ചന്‍ അറസ്റ്റില്‍.

Published

on

ആരാധികയെ ഹോട്ടല്‍ മുറിയില്‍ വിളിച്ചു വരുത്തി പീഡിപ്പിച്ച കേസില്‍ മുന്‍ നേപ്പാള്‍ ക്രിക്കറ്റ് ടീം ക്യാപ്റ്റനും മൂന്‍ ഐപില്‍ താരവുമായ സന്ദീപ് ലാമച്ചന്‍ അറസ്റ്റില്‍.വിദേശത്തായിരുന്ന ഇയാള്‍ കാഠ്മണ്ടുവിലെ ത്രിഭുവന്‍ രാജ്യന്തര വിമാനതാവളത്തില്‍ തിരിച്ചെത്തിയപ്പോഴാണ് അറസറ്റ്.

കഴിഞ്ഞ ആഗസറ്റിലാണ് കേസിനാസ്പദമായ സംഭവം.കാഠ്മണ്ഡു, ഭക്തപൂര്‍ എന്നിവടങ്ങളില്‍ വെച്ച്് പീഡനത്തിരയായി എന്നാണ് 17 കാരിയുടെ വെളിപ്പെടുത്തല്‍.താരത്തിന്റെ കടുത്ത ആരാധകയായിരുന്നു ഇവര്‍.

എന്നാല്‍ കേസടുത്തതിന് പിന്നാലെ തന്നെ ഒക്ടോബര്‍ ആറിന് രാജ്യത്ത് തിരികെയെത്തുമെന്നും കേസ് നിയമപരമായി നേരിടുമെന്നും താരം സാമൂഹ്യ മാധ്യമം വഴി വ്യക്തമാക്കിയിരുന്നു.

നിലവില്‍ കരീബിയന്‍ പ്രീമിയര്‍ ലീഗില്‍ ജമൈക്ക ടല്ലാവാസിന്റെ കളിക്കാരനാണ് ഇയാള്‍.2018 ഐപില്‍ സീസണില്‍ ഡല്‍ഹിക്ക് വേണ്ടി ജഴ്‌സി അണിഞ്ഞിരുന്നു.

Continue Reading

india

ഭാരത് ജോഡോ യാത്രയില്‍ രാഹുലിനൊപ്പം നടന്ന് സോണിയയും

Published

on

രാഹുല്‍ ഗാന്ധി നയിക്കുന്ന ഭാരത് ജോഡോ യാത്രക്കൊപ്പം ചേര്‍ന്ന് കോണ്‍ഗ്രസ് പ്രസിഡണ്ട് സോണിയാ ഗാന്ധി.ബിജെപി ശക്തികേന്ദ്രമായ മാണ്ഡ്യയില്‍ നിന്നാണ് സോണിയാ ഗാന്ധി യാത്രയുടെ ഭാഗമായത്.എം.എല്‍.എമാരായ അഞ്ജലി നിംബാല്‍ക്കര്‍,രൂപകല, ലക്ഷ്മി ഹെബ്ബാല്‍ക്കര്‍ എന്നിവരോടൊപ്പമാണ് സോണിയ എത്തിയത്.ആരോഗ്യപ്രശ്‌നങ്ങളെ തുടര്‍ന്ന് വിശ്രമിക്കുന്ന സോണിയ നീണ്ട ഇടവേളക്കു ശേഷം പൊതുവേദിയില്‍ എത്തുന്നത് പ്രവര്‍ത്തകരില്‍ ആവേശം നിറച്ചിട്ടുണ്ട്. ചൊവ്വാഴ്ച തന്നെ കര്‍ണാടകയില്‍ എത്തിയ സോണിയ കുടകിലെ സ്വകാര്യ റിസോര്‍ട്ടിലാണ് തങ്ങുന്നത്.

നാളെ പ്രിയങ്കാ ഗാന്ധിയും ഭാരത് ജോഡോ യാത്രയില്‍ അണി ചേരുമെന്ന് കോണ്‍ഗ്രസ് നേതാക്കള്‍ സൂചിപ്പിച്ചിരുന്നു. കര്‍ണാടകയില്‍ പാര്‍ട്ടിയുടെ അടിത്തറ വീണ്ടെടുക്കാന്‍ ഭാരത് ജോഡോ യാത്ര വഴിയൊരുക്കുമെന്ന പ്രതീക്ഷയിലാണ് സംസ്ഥാന നേതൃത്വം. പൂജാ ആഘോഷങ്ങളോട് അനുബന്ധിച്ചുള്ള രണ്ടു ദിവസത്തെ ഇടവേളക്കു ശേഷം ഇന്നാണ് യാത്ര പുനരാരംഭിച്ചിരുന്നത്.

Continue Reading

india

സമാധാനത്തിനുള്ള പുരസ്‌കാരം; ആള്‍ട്ട് ന്യൂസ് സ്ഥാപകര്‍ നൊബേല്‍ പട്ടികയില്‍

2022 ലെ സമാധാന നോബല്‍ പുരസ്‌കാരത്തിനുള്ള സാധ്യതാ പട്ടികയില്‍ ആള്‍ട്ട് ന്യൂസ് സ്ഥാപകരായ ഫാക്ട് ചെക്കേഴ്‌സ് മുഹമ്മദ് സുബൈറും പ്രതീക് സിന്‍ഹയും.

Published

on

ന്യൂഡല്‍ഹി: 2022 ലെ സമാധാന നോബല്‍ പുരസ്‌കാരത്തിനുള്ള സാധ്യതാ പട്ടികയില്‍ ആള്‍ട്ട് ന്യൂസ് സ്ഥാപകരായ ഫാക്ട് ചെക്കേഴ്‌സ് മുഹമ്മദ് സുബൈറും പ്രതീക് സിന്‍ഹയും. ഇരുവരും പട്ടികയില്‍ ഉള്‍പ്പെട്ടതായി ടൈം ആണ് റിപ്പോര്‍ട്ട് ചെയ്യുന്നത്. 251 വ്യക്തികളും 92 സംഘടനകളും അടക്കം പട്ടികയില്‍ 343 പേരുകളാണുള്ളത്. 2018 ല്‍ നടത്തിയ ഒരു ട്വീറ്റിന്റെ പേരില്‍ സുബൈറിനെ ഡല്‍ഹി പൊലീസ് അറസ്റ്റ് ചെയ്തിരുന്നു.

‘പ്രകോപനപരവും വിദ്വേഷം പടര്‍ത്തുന്നതുമായ’ വാക്കുകള്‍ ട്വീറ്റ് ചെയ്തു എന്ന പേരിലായിരുന്നു അറസ്റ്റ്. ഈ വര്‍ഷം ജൂണില്‍ ആയിരുന്നു അറസ്റ്റ്. മതത്തിന്റെ പേരില്‍ വിവിധ ഗ്രൂപ്പുകള്‍ക്കിടയില്‍ ശത്രുത വളര്‍ത്തിയതിനും മതവികാരം വ്രണപ്പെടുത്തുന്ന ബോധപൂര്‍വമായ പ്രവര്‍ത്തനങ്ങള്‍ക്കും ഡല്‍ഹി പൊലീസ് കേസെടുക്കുകയായിരുന്നു. സുബൈറിന്റെ അറസ്റ്റ് ഇന്ത്യക്ക് പുറത്തും പ്രതിഷേധങ്ങള്‍ക്കും വിമര്‍ശനങ്ങള്‍ക്കും കാരണമായി. കേന്ദ്ര സര്‍ക്കാര്‍ മാധ്യമങ്ങളെ കൈകാര്യം ചെയ്യുന്നത് മോശം രീതിയിലാണെന്ന വിമര്‍ശനമുയര്‍ന്നു. ഒരു മാസത്തിന് ശേഷം സുപ്രീം കോടതി ജാമ്യം അനുവദിച്ചതോടെ സുബൈര്‍ തിഹാര്‍ ജയിലില്‍ നിന്ന് പുറത്തിറങ്ങി.

നാമനിര്‍ദേശം ചെയ്തവരുടെ പേരുകള്‍ നോബല്‍ കമ്മിറ്റി മാധ്യമങ്ങളോടെ സ്ഥാനാര്‍ത്ഥികളോടെ അറിയിച്ചിട്ടില്ലെങ്കിലും റോയിട്ടേഴ്‌സ് നടത്തിയ സര്‍വേയില്‍ ബെലററേഷ്യന്‍ പ്രതിപക്ഷ രാഷ്ട്രീയ പ്രവര്‍ത്തക സ്വിയാറ്റ്‌ലാന സിഖനൂസ്‌കയ, ബ്രോഡ്കാസ്റ്റര്‍ ഡേവിഡ് ആറ്റന്‍ബറോ, കാലാവസ്ഥാ പ്രവര്‍ത്തക ഗ്രേറ്റ തന്‍ബെര്‍ഗ്, പോപ്പ് ഫ്രാന്‍സിസ്, ടുവലുവിന്റെ വിദേശകാര്യ മന്ത്രി സൈമണ്‍ കോഫെ, മ്യാന്‍മറിന്റെ ദേശീയ ഐക്യ സര്‍ക്കാരും നോര്‍വീജിയന്‍ നിയമനിര്‍മ്മാതാക്കള്‍ നാമനിര്‍ദ്ദേശം ചെയ്തവരില്‍ ഉള്‍പ്പെടുന്നു.

യുക്രെയ്ന്‍ പ്രസിഡന്റ് വൊളോഡോമിര്‍ സെലെന്‍സ്‌കി, യുഎന്‍ അഭയാര്‍ത്ഥി ഏജന്‍സി, ലോകാരോഗ്യ സംഘടന (ഡബ്ല്യുഎച്ച്ഒ), റഷ്യന്‍ വിമതനും വ്‌ളാഡിമിര്‍ പുടിന്റെ നിരൂപകനുമായ അലക്‌സി നവാല്‍നി എന്നിവരും സമാധാന സമ്മാനത്തിനുള്ള സാധ്യതാ പട്ടികയില്‍ ഉള്‍പ്പെട്ടിട്ടുണ്ട്. 2022 ലെ സമാധാനത്തിനുള്ള നോബല്‍ സമ്മാന ജേതാക്കളെ ഒക്ടോബര്‍ 7 ന് ഓസ്്‌ലോയില്‍ പ്രഖ്യാപിക്കും.

Continue Reading

Trending