രാജ്യത്ത് ആധാർ കാർഡും പാൻ കാർഡും ലിങ്ക് ചെയ്യാനുള്ള സമയപരിധി അവസാനിക്കാൻ ഇനി ശേഷിക്കുന്നത് രണ്ട് ദിവസം മാത്രം. പാൻ കാർഡ് ഉപഭോക്താക്കൾക്ക് ജൂൺ 30 വരെയാണ് ആധാർ കാർഡുമായി ലിങ്ക് ചെയ്യാൻ അവസരം.
നേരത്തെ മാർച്ച് 31നാണ് സമയപരിധി നിശ്ചയിച്ചിരുന്നതെങ്കിലും, അവ വീണ്ടും ജൂണിലേക്ക് ദീർഘിപ്പിക്കുകയായിരുന്നു. നിലവിൽ, പാൻ കാർഡ് ആധാർ കാർഡുമായി ബന്ധിപ്പിക്കുന്നതിന് 1,000 രൂപയാണ് പിഴ അടയ്ക്കേണ്ടത്. സൗജന്യമായി ലിങ്ക് ചെയ്യാനുള്ള സമയപരിധി മാസങ്ങൾക്ക് മുൻപ് അവസാനിച്ച പശ്ചാത്തലത്തിലാണ് പിഴ ഈടാക്കുന്നത്.