കണ്ണൂര് ചൂട്ടാട് അഴിമുഖത്ത് ഫൈബര് ബോട്ട് മറിഞ്ഞുണ്ടായ അപകടത്തില് പരിക്കേറ്റ് ചികിത്സയിലായിരുന്നയാള് മരിച്ചു. തമിഴ്നാട് പുത്തുന്തറ സ്വദേശി ആന്റണിയാണ് മരിച്ചത്. പരിക്കേറ്റ ലേല അടിമൈ, സെല്വ ആന്റണി എന്നിവര് ചികിത്സയിലാണ്. ബോട്ടിലുണ്ടായിരുന്ന ഒന്പത് പേരില് ആറ് പേര് നീന്തി രക്ഷപ്പെട്ടിരുന്നു.
പാലക്കോട് നിന്ന് മത്സബന്ധനത്തിന് പോയ ബോട്ടാണ് മണല്ത്തിട്ടയില് ഇടിച്ച് അപകടത്തില്പെട്ടത്. കടലില്വച്ച് വലിയ കാറ്റും മഴയും ഉണ്ടാവുകയും മണല്ത്തിട്ടയില് ഫൈബര് ബോട്ട് ഇടിക്കുകയുമായിരുന്നു.