കെ.പി. സി.സി. പ്രസിഡൻ്റ് കെ.സുധാകരന് എതിരായ സി.പി.ഐ.എം സംസ്ഥാന സെക്രട്ടറി എം.വി.ഗോവിന്ദൻ്റെ പരാമർശം നിന്ദ്യവും നീചവുമാണെന്ന് എ.ഐ. സി.സി. ജനറൽ സെക്രട്ടറി കെ.സി. വേണുഗോപാൽ കണ്ണൂരിൽ വാർത്താ സമ്മേളനത്തിൽ പറഞ്ഞു . ഇക്കാര്യത്തിൽ രാഷട്രീയ ഗൂഡാലോചന വ്യക്തമാണെന്നും സി.പി.എം. ജീർണതയുടെ പര്യായമായി മാറിയെന്നും കെ.സി. വേണുഗോപാൽ പറഞ്ഞു. സിപിഎമ്മിന്റെ ‘അശ്ലീല’ സെക്രട്ടറിയോട് ഇരിക്കുന്ന സ്ഥാനത്തിന്റെ മാന്യതയെങ്കിലും കാണിക്കണമെന്ന് പറയണമെന്നുണ്ടെന്നും പക്ഷേ ആ സ്ഥാനത്തിന്റെ നിലവാരം തന്നെയാണ് ഗോവിന്ദന് ഇപ്പോള് കാണിക്കുന്നതെന്നും കെ. സുധാകരന് ഫേസ്ബുക്കിൽ കുറിച്ചു.