പൊലീസിൽ നായയെ വാങ്ങിയതിൽ ക്രമക്കേട് കണ്ടെത്തിയതിനെ തുടർന്ന് സംസ്ഥാനത്തെ ഡോഗ് സ്ക്വാഡ് നോഡൽ ഓഫീസറെ സസ്പെൻഡ് ചെയ്തു. അസിസ്റ്റന്റ് കമാൻഡന്റ് എ എസ് സുരേഷിനെയാണ് വിജിലൻസ് റിപ്പോർട്ടിന്റെ അടിസ്ഥാനത്തിൽ സസ്പെൻഡ് ചെയ്തത്. നായകൾക്കും അവയുടെ ഭക്ഷണത്തിനുമുള്ള ഇടപാടുകളിലും ക്രമക്കേട് കണ്ടെത്തിയിട്ടുണ്ട്.കെഎപി മൂന്നാം ബറ്റാലിയന്റെ അസിസ്റ്റന്റ് കമാണ്ടന്റാണ് സുരേഷ് .തിരുവനന്തപുരത്തുള്ള ഒരു സ്ഥാപനത്തില് നിന്നാണ് നായ്ക്കള്ക്ക് വേണ്ടി ഉയര്ന്ന നിരക്കില് സാധനങ്ങള് വാങ്ങിയിരുന്നത്. മാത്രമല്ല ഉയര്ന്ന നിരക്കില് ഉത്തരേന്ത്യയില് നിന്ന് നായ്ക്കളെ വാങ്ങിയിരുന്നു എന്നും റിപ്പോര്ട്ടില് പറയുന്നു.