ഡല്ഹി: കിഫ്ബിക്കെതിരെ ഇ.ഡി അന്വേഷണം നടത്തുന്നതായി കേന്ദ്ര സര്ക്കാര്. 250 കോടി യെസ് ബാങ്കില് നിക്ഷേപിച്ചതുമായി ബന്ധപ്പെട്ടാണ് അന്വേഷണം.കിഫ്ബി സിഇഒയ്ക്കെതിരെയും അന്വേഷണം നടക്കുന്നുണ്ട്. അന്വേഷണത്തിന്റെ വിവരങ്ങള് ഇപ്പോള് പുറത്തുവിടാനാകില്ലെന്നും കേന്ദ്രസര്ക്കാര് പാര്ലമെന്റില് അറിയിച്ചു.
സ്വര്ണക്കടത്തിന് പിന്നാലെയാണ് കേരള സര്ക്കാരുമായി ബന്ധപ്പെട്ട കിഫ്ബിക്കെതിരെയും എന്ഫോഴ്സ്മെന്റ് ഡയറക്ടറേറ്റിന്റെ അന്വേഷണം നടക്കുന്നത്. അന്വേഷണം നടക്കുന്ന കാര്യം രാജ്യസഭയിലാണ് കേന്ദ്രസര്ക്കാര് അറിയിച്ചത്. കിഫ്ബിക്കെതിരെ ഏതെങ്കിലും തരത്തിലുള്ള അന്വേഷണം നടക്കുന്നുണ്ടോയെന്ന ചോദ്യത്തിന് മറുപടിയായി ധനകാര്യവകുപ്പ് സഹമന്ത്രി അനുരാഗ് ഠാക്കൂറാണ് ഇക്കാര്യം അറിയിച്ചത്.