gulf
വിടപറഞ്ഞത് അറബ്ലോകത്തെ സമാധാന ദൂതന് ; സല്മാന് രാജാവ്
പ്രതിസന്ധികള് ഉരുണ്ടു കൂടുമ്പോള് അവിടെ പറന്നിറങ്ങാനുള്ള കുവൈത്ത് ഭരണാധികാരി ശൈഖ് സബാഹിന്റെ മികവും മിടുക്കും പശ്ചിമേഷ്യക്ക് മാത്രമല്ല ഇസ്ലാമിക ലോകത്തിനും മനുഷ്യരാശിക്കും നല്കിയ സുരക്ഷിതത്വം പറഞ്ഞറിയിക്കാനാവില്ലെന്ന് രാജാവ് അനുശോചനത്തില് പറഞ്ഞു
അഷ്റഫ് വേങ്ങാട്ട്
റിയാദ്: വിടവാങ്ങിയത് അറബ്ലോകത്തെ സമാധാന ദൂതനെന്ന് സഊദി ഭരണാധികാരി സല്മാന് രാജാവ് .പ്രതിസന്ധികള് ഉരുണ്ടു കൂടുമ്പോള് അവിടെ പറന്നിറങ്ങാനുള്ള കുവൈത്ത് ഭരണാധികാരി ശൈഖ് സബാഹിന്റെ മികവും മിടുക്കും പശ്ചിമേഷ്യക്ക് മാത്രമല്ല ഇസ്ലാമിക ലോകത്തിനും മനുഷ്യരാശിക്കും നല്കിയ സുരക്ഷിതത്വം പറഞ്ഞറിയിക്കാനാവില്ലെന്ന് രാജാവ് അനുശോചനത്തില് പറഞ്ഞു. കുവൈത്തിന്റെ മാത്രമല്ല അറബ്ലോകത്തിനും ഇസ്ലാമിക രാജ്യങ്ങള്ക്കും ഈ വിടവ് താങ്ങാനാവില്ലെന്നും രാജാവ് പറഞ്ഞു.
കുവൈത്തിന്റെ നേട്ടങ്ങളുടെയും പുരോഗതിയുടെയും ശില്പിയായിരുന്ന ശൈഖ് സബാഹിന്റെ വിയോഗത്തില് അല് സബാഹ് കുടുംബത്തിന്റെയും കുവൈത്ത് ജനതയുടെ ദുഃഖത്തില് സഊദിയും പങ്ക് ചേരുന്നതായി രാജാവിന്റെ അനുശോചന സന്ദേശത്തില് പറഞ്ഞു . സഊദി കിരീടാവകാശി മുഹമ്മദ് ബിന് സല്മാന് രാജകുമാരനും ശൈഖ് സബാഹിന്റെ നിര്യാണത്തില് അഗാധമായ ദുഃഖം രേഖപ്പെടുത്തി.
അഞ്ചര പതിറ്റാണ്ടിന്റെ പരിചയസമ്പത്തിലൂടെ നടത്തിയ ഇടപെടലുകള് അറബ് ലോകത്തിനുണ്ടാക്കിയ സ്ഥിരതയും സുരക്ഷിതത്വവും സമാധാനവും സന്തോഷവും സംതൃപ്തിയും നേട്ടങ്ങളും നേതൃ മഹിമയും അവര്ണ്ണനീയമാണ്. സഊദിയുടെ ഉറ്റതോഴനും ഭരണാധികാരി സല്മാന് രാജാവിന്റെ ആത്മമിത്രവുമായിരുന്നു വിടപറഞ്ഞ ശൈഖ് സബാഹ്. സമാധാന ശ്രമങ്ങളില് കൈകോര്ക്കുന്ന ഇരു രാജ്യങ്ങളുടെയും തലവന്മാര് അറബ് മേഖലയിലെ ഒട്ടേറെ പ്രശ്നങ്ങള്ക്കും പ്രതിസന്ധികള്ക്കും പരിഹാരം കാണുന്നതില് ഒറ്റകെട്ടായി നിലകൊണ്ടിരുന്നു.
കുവൈത്തിന്റെ മാത്രം സമൃദ്ധിയിലും സമാധാനത്തിലുമായിരുന്നില്ല ശൈഖ് സബാഹിന്റെ ശ്രദ്ധ. പശ്ചിമേഷ്യയുടെ സുസ്ഥിരതയിലാണ് അദ്ദേഹത്തിന്റെ ദീര്ഘദിഷ്ടി പതിഞ്ഞിരുന്നത് . അ റബ്ലോകത്തിന്റെ ട്രബിള് ഷൂട്ടര് ആയി എക്കാലത്തും ആദരിക്കപ്പെട്ടിട്ടുള്ള കുവൈത്ത് അമീറിന്റെ സാന്നിധ്യം കാലുഷ്യമുണ്ടാകുന്ന സന്ദര്ഭത്തില് അറബ് മുസ്ലിം ലോകത്തിന് അനുഗ്രഹമായിരുന്നു. കുവൈത്തിനും പശ്ചിമേഷ്യക്കും ലോകത്തിനും നഷ്ടമായത് ഒരു വിളിക്കപ്പുറത്തുള്ള സമാധാന ദൂതനെയാണ്. പ്രായവും രോഗവും വക വെക്കാതെ കര്മ്മോല്സുകനായി ഓടിനടന്ന് പശ്ചിമേഷ്യയിലെ പ്രശ്ന പരിഹാരങ്ങള്ക്ക് ശ്രമിച്ച ശൈഖ് സബാഹിന്റെ വിയോഗത്തിലൂടെ നഷ്ടമാകുന്നത് മാനവികതയുടെ പിതാവിനെയാണെന്ന് അറബ് മാധ്യമങ്ങള് വിശേഷിപ്പിച്ചു.
gulf
മക്കമദീന ഹൈവേയില് ഭീകരാപകടം: മരണം 42 ആയി
മക്കയിലെ തീര്ഥാടനം പൂര്ത്തിയാക്കി മദീനയിലേക്ക് മടങ്ങുന്നതിനിടെയാണ് ദുരന്തം നടന്നത്.
മക്കയില് നിന്നും മദീനയിലേക്ക് യാത്ര പോകുന്ന ഉംറ തീര്ഥാടകരുടെ ബസ് ഡീസല് ടാങ്കറുമായി കൂട്ടിയിടിച്ച് കത്തിയതോടെ മരണസംഖ്യ 42 ആയി ഉയര്ന്നു. മക്കയിലെ തീര്ഥാടനം പൂര്ത്തിയാക്കി മദീനയിലേക്ക് മടങ്ങുന്നതിനിടെയാണ് ദുരന്തം നടന്നത്.
ബസിലുണ്ടായിരുന്ന 43 പേരും ഹൈദരാബാദ് സ്വദേശികളാണ്. മരിച്ചവരില് 20 പേര് സ്ത്രീകളും 11 പേര് കുട്ടികളുമാണെന്ന് റിപ്പോര്ട്ടുകള്. സംഘത്തിലെ ഒരാള് മാത്രമാണ് ജീവനോടെ രക്ഷപ്പെട്ടത്; ഇയാള് ഗുരുതരാവസ്ഥയില് ആശുപത്രിയില് ചികിത്സയിലാണ്.
സൗദി സമയം രാത്രി 11 മണിയോടെയും (ഇന്ത്യന് സമയം പുലര്ച്ചെ 1.30) ബദ്റ്മദീന ഹൈവേയിലുള്ള മുഫറഹാത്ത് പ്രദേശത്തുവച്ചായിരുന്നു അപകടം. ടാങ്കറുമായി കൂട്ടിയിടിച്ചതോടെ ബസ് തല്ക്ഷണം തീപിടിക്കുകയായിരുന്നു. ഉംറ കമ്പനി അപകടം സ്ഥിരീകരിച്ചിട്ടുണ്ട്.
gulf
കെ.എം.സി.സി ബഹ്റൈൻ കോഴിക്കോട് ജില്ല വനിത വിങ്ങിന് പുതിയ നേതൃത്വം
New Leadership for KMCC Bahrain Kozhikode District Women’s Wing
മനാമ: കെ.എം.സി.സി ബഹ്റൈൻ കോഴിക്കോട് ജില്ല കമ്മിറ്റി കെ.എം.സി.സി ഹാളിൽ സംഘടിപ്പിച്ച വനിതസംഗമത്തിൽ വെച്ച് ജില്ല വനിത വിങ്ങിന് പുതിയ നേതൃത്വത്തെ തെരഞ്ഞെടുത്തു. കെ.എം.സി.സി ബഹ്റൈൻ ജനറൽ സെക്രട്ടറി ശംസുദ്ദീൻ വെള്ളികുളങ്ങര ഉദ്ഘാടനം ചെയ്തു. മുസ്ലിം വിദ്യാർഥി ഫെഡറേഷൻ കാസർകോട് ജില്ല മുൻ ജനറൽ സെക്രട്ടറി ഷരീഫ് പൊവ്വൽ മുഖ്യപ്രഭാഷണം നടത്തി.
സുബൈദ പി.കെ.സി അധ്യക്ഷയായിരുന്നു. കെ.എം.സി.സി ബഹ്റൈൻ കോഴിക്കോട് ജില്ല പ്രസിഡന്റ് ഷാജഹാൻ പരപ്പൻപൊയിൽ, ട്രഷറർ സുബൈർ കളത്തികണ്ടി, ഓർഗനൈസിങ് സെക്രട്ടറി നസീം പേരാമ്പ്ര, വൈസ് പ്രസിഡന്റുമാരായ അശ്റഫ് തൊടന്നൂർ, മുഹമ്മദ് ഷാഫി വേളം, ഹമീദ് അയനിക്കാട്, സെക്രട്ടറിമാരായ മുനീർ ഒഞ്ചിയം, മുഹമ്മദ് സിനാൻ കാസർകോട് ജില്ല പ്രസിഡന്റ് അഷ്റഫ് മഞ്ചേശ്വരം, പേരാമ്പ്ര മണ്ഡലം ജനറൽ സെക്രെട്ടറി റഷീദ് കുരിക്കൾകണ്ടി, ജില്ല പ്രവർത്തകസമിതി അംഗം ഹാഷിർ കഴുങ്ങിൽ, വനിതാ വിങ് ഭാരവാഹികളായ, മുഫ്സിന ഫാസിൻ തുടങ്ങിയവർ സംബന്ധിച്ചു.
കെ.എം.സി.സി കോഴിക്കോട് ജില്ല ജനറൽ സെക്രട്ടറി പി.കെ. ഇസ്ഹാഖ് പുതിയ ഭാരവാഹികളെ തെരഞ്ഞെടുക്കുന്നതിന് നേതൃത്വം നൽകി. ജില്ല വനിത വിങ് ഭാരവാഹികളായി പ്രസിഡന്റ് സുബൈദ പി.കെ.സി, ജനറൽ സെക്രട്ടറി ഷബാന ബഷീർ, ട്രഷറർ നസീമ നസീം, ഓർഗനൈസിങ് സെക്രട്ടറി തസ്ലീന സലീം എന്നിവരെയും വൈസ് പ്രസിഡന്റുമാരായി മുഫ്സിന ഫാസിൽ, സൽമ ജുനൈസ്, ഖൈറുന്നിസ റസാഖ്, വഹീദ ഹനീഫ്, സറീന ആർ.കെ എന്നിവരെയും സെക്രട്ടറിമാരായി ഫസീല റാഫി, ഹാജറ നിസാർ, ഫിദ ഷമീം, റമീന നാസർ, മെഹജൂബ സുഹൈർ എന്നിവരെയും തെരഞ്ഞെടുത്തു.
gulf
ബഹ്റൈനില് ക്യാമ്പിങ് സ്ഥലങ്ങള്ക്ക് ശുചിത്വ ഡെപ്പോസിറ്റ് സംവിധാനം
20252026 ക്യാമ്പിങ് സീസണില് വാണിജ്യേതര ടെന്റ് സൈറ്റുകള്ക്കായി 100 ബഹ്റൈനി ദിനാര് ക്ലീന്ലിനസ് ഡെപ്പോസിറ്റ് നിര്ബന്ധമാക്കി.
മനാമ: ബഹ്റൈനിലെ സാഖിര് പ്രദേശത്തെ പൊതു ക്യാമ്പിങ് സ്ഥലങ്ങളില് ശുചിത്വം ഉറപ്പാക്കുന്നതിനായി പുതിയ നടപടിയുമായി അധികാരികള്. 20252026 ക്യാമ്പിങ് സീസണില് വാണിജ്യേതര ടെന്റ് സൈറ്റുകള്ക്കായി 100 ബഹ്റൈനി ദിനാര് ക്ലീന്ലിനസ് ഡെപ്പോസിറ്റ് നിര്ബന്ധമാക്കി.
മുനിസിപ്പാലിറ്റി കാര്യ-കൃഷി മന്ത്രി വഈല് അല് മുബാറക്കിന്റെ ഉത്തരവിലാണ് ഈ നിര്ദ്ദേശം ഉള്പ്പെട്ടിരിക്കുന്നത്. ഔദ്യോഗിക ഗസറ്റില് പ്രസിദ്ധീകരിച്ച ഉത്തരവനുസരിച്ച്, സീസണ് അവസാനിക്കുമ്പോള് ക്യാമ്പിംഗ് സൈറ്റുകള് വൃത്തിയായി സൂക്ഷിക്കുകയും പൂര്വ്വസ്ഥിതിയിലാക്കുകയും ചെയ്താല് ഡെപ്പോസിറ്റ് തുക തിരികെ ലഭിക്കും. രജിസ്ട്രേഷന് സമയത്ത് സതേണ് മുനിസിപ്പാലിറ്റിയിലാണ് ഡെപ്പോസിറ്റ് അടയ്ക്കേണ്ടത്.
ടെന്റുകള് അഴിച്ചുമാറ്റിയതിന് ശേഷം ഒരാഴ്ചയ്ക്കുള്ളിലോ, അല്ലെങ്കില് സീസണ് അവസാനിക്കുന്ന തീയതിക്കുള്ളിലോ ഏതാണോ ആദ്യം വരുന്നത് ക്യാമ്പേഴ്സ് സ്ഥലങ്ങള് വൃത്തിയാക്കണം. ശുചീകരണം നടപ്പാക്കാത്ത പക്ഷം, ഡെപ്പോസിറ്റ് തുക മുനിസിപ്പാലിറ്റിക്ക് ചെലവായി ഉപയോഗിക്കാനും, ആവശ്യമെങ്കില് അധിക തുകയും ഈടാക്കാനുമാകും.
20252026 ക്യാമ്പിംഗ് സീസണ് ഡിസംബര് 5-ന് ആരംഭിച്ച് മാര്ച്ച് 25-ന് അവസാനിക്കും. രജിസ്ട്രേഷന് നവംബര് 20 മുതല് 30 വരെ ‘അല്ജുനോബിയ’ മൊബൈല് ആപ്ലിക്കേഷനിലെ ‘ഖയ്യാം’ സംരംഭം വഴി ഡിജിറ്റലായി നടത്താം.
സതേണ് ഗവര്ണര് ശൈഖ് ഖലീഫ ബിന് അലി അല് ഖലീഫയുടെ നേതൃത്വത്തിലാണ് പുതിയ സീസണിലെ റെഗുലേറ്ററി ചട്ടക്കൂടും സുരക്ഷാ തയ്യാറെടുപ്പുകളും പ്രഖ്യാപിച്ചത്. അന്വേഷണങ്ങള്ക്കും നിര്ദ്ദേശങ്ങള്ക്കും, അല്ജുനോബിയ ആപ്പ്, ദേശീയ തവാസുല് പ്ലാറ്റ്ഫോം എന്നിവ വഴി ബന്ധപ്പെടാം.
-
GULF5 hours agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
india2 days agoമുഹമ്മദ് അഖ്ലാഖ് കേസിലെ പ്രതികള്ക്കെതിരായ കേസ് പിന്വലിക്കാന് യു.പി. സര്ക്കാര് നീക്കം തുടങ്ങി
-
kerala2 days ago500 രൂപയുടെ കള്ളനോട്ടുകളുമായി വിദ്യാര്ത്ഥികള് ഉള്പ്പെടെ അഞ്ചുപേര് അറസ്റ്റില്
-
kerala2 days agoതദ്ദേശ തെരഞ്ഞെടുപ്പില് സ്ഥാനാര്ത്ഥി നിര്ണയത്തില് അവഗണിക്കപ്പെട്ടതില് മനംനൊന്ത് ആര്എസ്എസ് പ്രവര്ത്തകന് ആത്മഹത്യ ചെയ്തു
-
kerala2 days agoസഹപ്രവര്ത്തകയെ പീഡിപ്പിക്കാന് ശ്രമിച്ച പൊലീസ് അസോസിയേഷന് നേതാവിനെതിരെ കേസ്
-
News2 days agoസൂപ്പര് ലീഗ് കേരള: കൊച്ചിക്ക് തുടര്ച്ചയായ ഏഴാം തോല്വി; തിരുവനന്തപുരം കൊമ്പന്സ് ഏക ഗോളിന് വിജയം
-
Video Stories17 hours agoജാതി വിവേചനം; മലപ്പുറം ബിജെപിയില് പൊട്ടിത്തെറി, ബിജെപി നേതാവ് രാജിവച്ചു
-
kerala2 days agoപ്ലസ് ടു വിദ്യാര്ത്ഥിനിയെ പീഡിപ്പിച്ച കേസില് യുവാവ് അറസ്റ്റില്