സൂപ്പര് ഓവറിലേക്ക് നീണ്ട ഐപിഎൽ 2020ലെ ഡല്ഹി ക്യാപ്പിറ്റല്സ് – കിങ്സ് ഇലവന് പഞ്ചാബ് മത്സരത്തില് റബാദയുടെ ഓവറിൽ ഡല്ഹിക്ക് ജയം. 158 റൺസ് പിന്തുടർന്ന പഞ്ചാബിനും 20 ഓവറിൽ നേടാൻ സാധിച്ചത് 158 റൺസാണ്. ഇതോടെയാണ് മത്സരം സൂപ്പർ ഓവറിലെത്തിയത്. ഈ ഐപിഎല്ലിലെ ആദ്യ സൂപ്പർ ഓവറിൽ ഡല്ഹിക്കായി പന്തെറിഞ്ഞ കഗിസോ റബാദ കെ.എല് രാഹുലിനെയും നിക്കോളാസ് പുരനെയും രണ്ടു റണ്ണിനിടെ തന്നെ മടക്കി. മുഹമ്മദ് ഷമിയാണ് പഞ്ചാബിനായി സൂപ്പർ ഓവർ എറിഞ്ഞത്. ജയിക്കാന് വേണ്ടിയിരുന്ന മൂന്നു റണ്സ് രണ്ടു പന്തില് തന്നെ ഡല്ഹി കണ്ടെത്തി.