കോഴിക്കോട്: വലിയങ്ങാടിയില് കെട്ടിടത്തിന്റെ കോണ്ക്രീറ്റ് സ്ലാബ് തകര്ന്നുണ്ടായ അപകടത്തില് മരണസംഖ്യ നാലായി. മെഡിക്കല് കോളേജില് ചികിത്സയിലായിരുന്ന തിരുവങ്ങൂര് സ്വദേശി വിനോദാണ് മരിച്ചത്.
നേരത്തെ അഷ്റഫ് (കിണാശ്ശേരി), ജബ്ബാര് (കിണാശ്ശേരി), ബഷീര് (അത്തോളി) എന്നിവര് മരിത്തിരുന്നു. എല്ലാവരും പ്രദേശത്തെ ചുമട്ടുതൊഴിലാളികളാണ്.
കോഴിക്കോട് കോര്പറേഷന്റെ ഉടമസ്ഥതയിലുള്ള 60 വര്ഷത്തോളം പഴക്കമുള്ള കെട്ടിടത്തിന്റെ സണ്ഷെയ്ഡ് സ്ലാബ് 11.55-ഓടെ തകര്ന്നു വീഴുകയായിരുന്നു. സംഭവത്തില് ടൗണ് പോലീസ് അസ്വാഭാവിക മരണത്തിന് കേസെടുത്തു.
പഴയ പാസ്പോര്ട്ട് ഓഫീസ് പ്രവര്ത്തിച്ചിരുന്ന ഈ കെട്ടിടം അപകടാവസ്ഥയിലായിരുന്നു. കെട്ടിടം ഒഴിഞ്ഞുതരണമെന്ന് ആവശ്യപ്പെട്ട് കോര്പറേഷന് നേരത്തെ നോട്ടീസ് നല്കിയിരുന്നു. കെട്ടിടം ഒഴിയാനുള്ള നിര്ദ്ദേശം ചില വ്യാപാരികള് അവഗണിച്ചുവെന്ന് നാട്ടുകാര് ആരോപിക്കുന്നു. കെട്ടിടത്തിന് താഴെ വിശ്രമിക്കുകയായിരുന്ന തൊഴിലാളികളുടെ മേലേയ്ക്കാണ് സ്ലാബ് തകര്ന്നു വീണത്.