തിരുവനന്തപുരം: കെഎസ്ആര്ടിസി ഡ്രൈവറെ തടഞ്ഞതുമായി ബന്ധപ്പെട്ട കേസില് മേയര് ആര്യ രാജേന്ദ്രനെയും ഭര്ത്താവ് സച്ചിന് ദേവ് എം.എല്.എയെയും ഒഴിവാക്കി കുറ്റപത്രം. മേയറുടെ സഹോദരന് അരവിന്ദിനെ മാത്രമാണ് കേസില് പ്രതി ചേര്ത്തിട്ടുള്ളത്. തിരുവനന്തപുര ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് കേസ് പരിഗണിക്കുന്നത്.
അതേസമയം ആര്യക്കും ഭര്ത്താവിനും പൊലീസ് നേരത്തെ ക്ലീന് ചിറ്റ് നല്കിയിരുന്നു. മേയറും എം.എല്.എയും മോശം പദപ്രയോഗം നടത്തിയതിനോ ബസില് അതിക്രമിച്ചു കയറിയതിനോ തെളിവില്ലെന്ന് കാണിച്ചാണ് കന്റോണ്മെന്റ് പൊലീസ് കോടതിയില് റിപ്പോര്ട്ട് നല്കിയത്. എന്നാല് ബസിന്റെ വാതില് ഡ്രൈവര് യദു തന്നെയാണ് തുറന്നു കൊടുത്തതെന്നും റിപ്പോര്ട്ടില് പറയുന്നു.
അതസേമയം, ഡ്രൈവര് യദുവിനെതിരെ കുറ്റപത്രം ഉടന് സമര്പ്പിക്കും. മേയറേയും മറ്റുള്ളവരെയും അശ്ലീല ആംഗ്യം കാണിച്ചുവെന്ന് മ്യൂസിയം പൊലീസാണ് കുറ്റപത്രം നല്കുന്നത്.