ഏഷ്യാനെറ്റ് ന്യൂസിന്റെ കൊച്ചി റീജിയണല് ഓഫീസിലേക്ക് അതിക്രമിച്ച് കയറി ഓഫീസ് പ്രവര്ത്തനം തടസപ്പെടുത്തുകയും ജീവനക്കാരെ ഭീഷണി പെടുത്തുകയും ചെയ്ത എസ് എഫ് ഐ നടപടിയെ കേരള പത്രപ്രവര്ത്തക യൂണിയന് ശക്തമായി അപലപിച്ചു. ഇന്ന് സെക്രട്ടറിയേറ്റിലേക്ക് കേരളപത്രപ്രവര്ത്തകയൂണിയന് മാര്ച്ച് നടത്തും. വാര്ത്തകളോട് വിയോജിപ്പോ എതിര്പ്പോ വരുന്ന ഘട്ടങ്ങളില് മുമ്പും പ്രതിഷേധങ്ങള് ഉണ്ടായിട്ടുണ്ട്. പക്ഷേ ഒരു മാധ്യമ സ്ഥാപനത്തിന്റെ ഓഫീസിനുള്ളില് അതിക്രമിച്ചു കയറി അവിടുത്തെ ജീവനക്കാരെ ഭീഷണിപ്പെടുത്തുന്നത് പ്രതിഷേധമല്ല, ഗുണ്ടായിസമാണ്. കേരളം പോലെ ജനാധിപത്യ മൂല്യങ്ങള്ക്ക് വില നല്കുന്ന ഒരു നാടിന് അംഗീകരിക്കാന് കഴിയുന്നതല്ലിത്. കുറ്റക്കാര്ക്കെതിരെ അടിയന്തരമായി ശക്തമായ നിയമ നടപടി സ്വീകരിക്കണമെന്ന് കെ യു ഡബ്ള്യു ജെ സംസ്ഥാന പ്രസിഡന്റ് എം വി വിനീതയും ജനറല്സെക്രട്ടറി ആര് കിരണ് ബാബുവും ആവശ്യപ്പെട്ടു.