kerala
ഹാജര് കുറവ്, സെമസ്റ്റര് പരീക്ഷ എഴുതാന് അനുവദിച്ചില്ല; കോഴിക്കോട് വിദ്യാര്ത്ഥി ജീവനൊടുക്കി
കഴിഞ്ഞദിവസം ഉച്ചയ്ക്ക് നടക്കാവിലെ വീട്ടില് വെച്ചായിരുന്നു സംഭവം.
ഹാജര് കുറവായതിനാല് പരീക്ഷ എഴുതാന് അനുവദിക്കാത്തതില് മനംനൊന്ത് വിദ്യാര്ത്ഥി ജീവനൊടുക്കി. കോഴിക്കോട് നടക്കാവ് സ്വദേശി മുഹമ്മദ് ആനിഖ് (19) ആണ് മരിച്ചത്. ചെന്നൈ എസ് ആര് എം കോളേജിലെ ഒന്നാം വര്ഷ വിദ്യാര്ത്ഥിയായിരുന്നു.
കഴിഞ്ഞദിവസം ഉച്ചയ്ക്ക് നടക്കാവിലെ വീട്ടില് വെച്ചായിരുന്നു സംഭവം. പരീക്ഷ എഴുതാനുള്ള തയ്യാറെടുപ്പിലായിരുന്നു ആനിഖ്. എന്നാല് ഹാജര് കുറവായതിനാല് പരീക്ഷ എഴുതാന് കഴിയില്ല എന്ന് അവസാന നിമിഷം കോളേജ് അറിയിച്ചു.
ഇതില് നിരാശനായ വിദ്യാര്ഥി വീട്ടുകാര് കല്യാണം ചടങ്ങിന് പോയ സമയത്ത് ജീവനൊടുക്കുകയായിരുന്നു. വീട്ടിനുള്ളില് തൂങ്ങിയ നിലയിലാണ് വിദ്യാര്ത്ഥിയെ കണ്ടത്. അടുത്തുള്ള ആശുപത്രിയില് എത്തിച്ചെങ്കിലും രക്ഷിക്കാനായില്ല.
ശ്വാസംമുട്ടല് ഉള്ളതിനാല് വിദ്യാര്ത്ഥിക്ക് പലപ്പോഴും ക്ലാസില് പോകാന് കഴിഞ്ഞിരുന്നില്ല എന്ന് മാതാപിതാക്കള് ആരോപിക്കുന്നു. പരീക്ഷാ ഫീസ് വാങ്ങിയിട്ടും പരീക്ഷ എഴുതാന് അനുവദിച്ചില്ലെന്നും ബന്ധുക്കള് പറയുന്നുണ്ട്.
kerala
തായ്ലന്ഡില് നിന്ന് കോടികള് വിലമതിക്കുന്ന അപൂര്വ പക്ഷികള് കടത്തിയ ദമ്പതികള് പിടിയില്
തായ്ലന്ഡില് നിന്ന് ക്വാലാലംപൂര് വഴി എത്തിച്ച 11 അപൂര്വ ഇനപ്പക്ഷികളെയാണ് വിമാനത്താവള ഇന്റലിജന്സ് യൂണിറ്റ് കണ്ടെത്തിയത്.
കൊച്ചി: കോടികളുടെ മൂല്യമുള്ള അപൂര്വ ഇനപ്പക്ഷികളെ കടത്താന് ശ്രമിച്ച ദമ്പതികളെ നെടുമ്പാശേരി വിമാനത്താവളത്തില് കസ്റ്റംസ് പിടികൂടി. തായ്ലന്ഡില് നിന്ന് ക്വാലാലംപൂര് വഴി എത്തിച്ച 11 അപൂര്വ ഇനപ്പക്ഷികളെയാണ് വിമാനത്താവള ഇന്റലിജന്സ് യൂണിറ്റ് കണ്ടെത്തിയത്. വംശനാശ ഭീഷണി നേരിടുന്ന ഇനങ്ങളില്പ്പെട്ട പക്ഷികളായതിനാലാണ് കസ്റ്റംസ് നടപടി ശക്തമാക്കിയത്.
ഭാര്യ, ഭര്ത്താവ്, ഏഴ് വയസ്സുള്ള മകന് എന്നിവരടങ്ങിയ കുടുംബത്തിന്റെ ചെക്ക്-ഇന് ബാഗേജ് പരിശോധിക്കുമ്പോഴാണ് പക്ഷികള് ഒളിപ്പിച്ച നിലയില് കണ്ടെത്തിയത്. രാജ്യാന്തര കണ്വെന്ഷനിലെ ചട്ടം 1, 2 വിഭാഗങ്ങളില് ഉള്പ്പെടുന്ന നിയന്ത്രിത ഇനങ്ങളാണ് ഇവ. ഇത്തരമൊരു ഇനം ഇന്ത്യയില് എത്തിക്കാന് കടുത്ത മാനദണ്ഡങ്ങളുണ്ട്; മൃഗശാലകള് വഴിയാണ് മാത്രം അനുമതി ലഭിക്കുക. ഇവയെല്ലാം പൂര്ണമായും ലംഘിച്ചാണ് കടത്താന് ശ്രമിച്ചതെന്ന് കസ്റ്റംസ് വ്യക്തമാക്കി.
പിടിച്ചെടുത്ത പക്ഷികളും ദമ്പതികളും വനംവകുപ്പിന് കൈമാറിയിരിക്കുകയാണ്. കൂടുതല് ചോദ്യം ചെയ്യല് തുടരുകയാണ്.
തായ്ലന്ഡില് നിന്ന് അപൂര്വ പക്ഷികളും മൃഗങ്ങളും കടത്താനുള്ള ശ്രമങ്ങള് വര്ദ്ധിക്കുന്ന സാഹചര്യത്തില് ഇത് നാലാം പിടിയാകുന്നു. ഈ വര്ഷം മാത്രം കൊച്ചി വിമാനത്താവളത്തില് മൂന്നു സമാനമായ കടത്തുപ്രവര്ത്തനങ്ങള് കണ്ടെത്തിയിരുന്നു. ജൂണില് അപൂര്വ കുരങ്ങന്മാരെയും പക്ഷിയെയും കടത്താന് ശ്രമിച്ച പത്തനംതിട്ട സ്വദേശികളായ ദമ്പതികള് പിടിയിലായിരുന്നു. ജനുവരിയിലും കഴിഞ്ഞ ഡിസംബറിലും സമാനമായ കടത്തുകള് പിടികൂടി.
kerala
പാലക്കാട് കവറില് പൊതിഞ്ഞനിലയില് മനുഷ്യ തലയോട്ടിയും അസ്ഥികളും കണ്ടെത്തി
തലമുടി അടക്കമുള്ള ശരീരഭാഗങ്ങള് പൂര്ണമായി…
പാലക്കാട്: പാലക്കാട് മാതാ കോവില്പള്ളിക്ക് മുന്വശത്തെ തുറസ്സായ സ്ഥലത്ത് മാലിന്യക്കൂമ്പാരത്തിന് സമീപം മനുഷ്യന്റെ ശരീരഭാഗങ്ങള് കണ്ടെത്തി. തലയോട്ടിയും അസ്ഥികളുമാണ് പ്ലാസ്റ്റിക് കവറില് പൊതിഞ്ഞ് ഉപേക്ഷിച്ചനിലയില് കണ്ടെത്തിയത്.
വ്യാഴാഴ്ച നഗരസഭയിലെ ശുചീകരണത്തൊഴിലാളികളാണ് തലയോട്ടി അടക്കമുള്ള ഭാഗങ്ങള് ആദ്യം കണ്ടത്. രണ്ടുദിവസമായി ഈ ഭാഗത്തുനിന്ന് രൂക്ഷമായ ദുര്ഗന്ധം അനുഭവപ്പെട്ടിരുന്നതായി തൊഴിലാളികള് പറഞ്ഞു. തുടര്ന്ന് രാവിലെ പരിശോധിച്ചപ്പോഴാണ് തലയോട്ടിയും എല്ലുകളും കണ്ടെത്തിയത്.
തലമുടി അടക്കമുള്ള ശരീരഭാഗങ്ങള് പൂര്ണമായി അഴുകാത്തനിലയിലാണ് കണ്ടെത്തിയത്. ഉന്നത പോലീസ് ഉദ്യോഗസ്ഥര് സ്ഥലത്തെത്തി പരിശോധന നടത്തി. വിരലടയാള-ഫൊറന്സിക് വിദഗ്ധരും സ്ഥലത്ത് പരിശോധന നടത്തും. ശേഷം വിശദമായ ശാസ്ത്രീയപരിശോധനയ്ക്കായി കണ്ടെടുത്ത ശരീരഭാഗങ്ങള് മോര്ച്ചറിയിലേക്ക് മാറ്റും.
രാഹുല് മാങ്കൂട്ടത്തിലിനെ കോണ്ഗ്രസിന്റെ പ്രാഥമിക അംഗത്വത്തില് നിന്ന് പുറത്താക്കി. നിലവില് സസ്പെന്ഷനിലുള്ള രാഹുല് മാങ്കൂട്ടത്തിലിനെ ഉയര്ന്ന പരാതികളുടെയും രജിസ്റ്റര് ചെയ്ത കേസുകളുടെയും അടിസ്ഥാനത്തില് കോണ്ഗ്രസിന്റെ പ്രാഥമിക അംഗത്വത്തില് നിന്നും പുറത്താക്കിയതായി കെപിസിസി പ്രസിഡന്റ് സണ്ണി ജോസഫ് എംഎല്എ അറിയിച്ചു.
-
kerala1 day agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala3 days ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala2 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india2 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala3 days agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
kerala3 days agoനിയുക്ത ഫാ. മെത്രാന് ആന്റണി കാട്ടിപ്പറമ്പിലിനെ സന്ദര്ശിച്ച് അഡ്വ. ഹാരിസ് ബീരാന് എം.പി
-
india3 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്