തിരുവനന്തപുരം: അന്തരിച്ച വയലിനിസ്റ്റ് ബാലഭാസ്കറിന്റെ ഭാര്യ ലക്ഷ്മിയുടെ നിലയില് നേരിയ പുരോഗതിയുണ്ടെന്ന് ആസ്പത്രി വൃത്തങ്ങള് അറിയിച്ചു. നിലയില് പുരോഗതിയുണ്ട്, ഇപ്പോഴും തീവ്ര പരിചരണ വിഭാഗത്തിലാണെന്ന് ആസ്പത്രി അധികൃതര് പറഞ്ഞു.
ഭര്ത്താവിന്റേയും കുട്ടിയുടെയും മരണവിവരം ഇതുവരെ ലക്ഷ്മിയെ അറിയിച്ചിട്ടില്ല. അപകടത്തില്പ്പെട്ട് ഒരാഴ്ച്ചയോളം ചികില്സയില് കഴിഞ്ഞ ശേഷമായിരുന്നു ബാലഭാസ്കര് മരണത്തിന് കീഴടങ്ങിയത്. രണ്ടിന് പുലര്ച്ചെയായിരുന്നു അന്ത്യം. അപകടത്തില് തലക്കും കഴുത്തിനും നട്ടെല്ലിനും പരിക്കേറ്റ ബാലഭാസ്ക്കറിനെ ഒന്നിലധികം ശസ്ത്രക്രിയയ്ക്ക് വിധേയനാക്കിയിരുന്നു.അപകടനില തരണം ചെയ്ത് വരുന്നതിനിടെയുണ്ടായ ഹൃദയാഘാതം മൂലമായിരുന്നു മരണം.
ലക്ഷ്മിക്കൊപ്പം വാഹനം ഓടിച്ചിരുന്ന സുഹൃത്ത് അര്ജുനും ആശുപത്രിയില് ചികിത്സയിലാണ്. ക്ഷേത്ര സന്ദര്ശനം കഴിഞ്ഞ് തിരുവനന്തപുരത്തേക്ക് മടങ്ങുമ്പോള് പള്ളിപ്പുറം സിആര്പിഎഫ് ക്യാംപ് ജംഗ്ഷനു സമീപം പുലര്ച്ചെ നാലോടെയായിരുന്നു അപകടമുണ്ടായത്. ബാലഭാസ്കറും കൂടുംബവും സഞ്ചരിച്ചിരുന്ന കാര് നിയന്ത്രണം വിട്ട് മരത്തിലിടിക്കുകയായിരുന്നു. അര്ജുനായിരുന്നു വണ്ടിയോടിച്ചിരുന്നത്. െ്രെഡവര് ഉറങ്ങിപ്പോയതാണ് അപകടകാരണമെന്നാണ് പൊലീസ് നിഗമനം.