കേരളാ കോണ്ഗ്രസ് ഉന്നതാധികാര സമിതി അംഗം പ്രിന്സ് ലൂക്കോസ് (53) അന്തരിച്ചു. വേളാങ്കണ്ണിയില് നിന്നും കോട്ടയത്തേയ്ക്കുള്ള ട്രെയിന് യാത്രക്കിടെ ഹൃദയാഘാതമുണ്ടാവുകയായിരുന്നു. കുടുംബത്തോടൊപ്പം വേളാങ്കണ്ണിയില് പോയി മടങ്ങുന്നതിനിടെയാണ് മരണം. ഇന്ന് പുലര്ച്ചെ തെങ്കാശിയില് വെച്ച് ദേഹാസ്വാസ്ഥ്യം അനുഭവപ്പെടുകയായിരുന്നു. തുടര്ന്ന് തെങ്കാശിയിലെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
പ്രിന്സ് കോട്ടയത്ത് പാര്ട്ടിയുടെ പ്രധാന മുഖമായിരുന്നു. 2021ല് ഏറ്റുമാനുരില് യുഡിഎഫ് സ്ഥാനാര്ഥിയായി മത്സരിച്ച് വി.എന്.വാസവവനെതിരെ പരാജയപ്പെട്ടു. യൂത്ത് ഫ്രണ്ട്, KSC സംസ്ഥാന അധ്യക്ഷ പദവിയും വഹിച്ചിട്ടുണ്ട്. കേരളാ കോണ്ഗ്രസ് സ്ഥാപക നേതാക്കളില് ഒരാളായ ഒ.വി.ലൂക്കോസിന്റെ മകനാണ്.