തിരുവനന്തപുരം: സംസ്ഥാനത്ത് ലോക്ക് ഡൗണ് നിയന്ത്രണങ്ങളില് ഇളവു വരുത്താന് മുഖ്യമന്ത്രിയുടെ അധ്യക്ഷതയില് ചേര്ന്ന അവലോകന യോഗത്തില് തീരുമാനം. കടകളുടെ പ്രവര്ത്ത സമയം രാത്രി എട്ടുമണി വരെ നീട്ടി. ബാങ്കുകള് ഉള്പ്പെടെ ധനകാര്യ സ്ഥാപനങ്ങളില് അഞ്ചു ദിവസം ഇടപാടുകാര്ക്കു പ്രവേശനം നല്കാനും തീരുമാനിച്ചു.
രോഗ സ്ഥിരീകരണ നിരക്ക് പതിനഞ്ചു ശതമാനത്തിനു മുകളില് ഉള്ള പ്രദേശങ്ങളില് ഇളവുകള് ബാധകമാവില്ല. അല്ലാത്ത പ്രദേശങ്ങളില് കടകള് രാത്രി എട്ടു മണി വരെ തുറക്കാന് അനുമതി നല്കും. തിങ്കള് മുതല് വെള്ളി വരെയുള്ള ദിവസങ്ങളില് ബാങ്കുകളില് ഇടപാടുകാര്ക്കു പ്രവേശിക്കാം. നിലവില് മൂന്നു ദിവസമാണ് ബാങ്ക് ഇടപാടുകള്ക്ക് അനുമതിയുള്ളത്.
വാരാന്ത്യ ലോക്ക്ഡൗണ് തുടരാനും അവലോകന യോഗം തീരുമാനിച്ചു. ഇളവുകള് നാളെ മുതല് പ്രാബല്യത്തില് വരും.