തിരുവനന്തപുരം: സംസ്ഥാനത്ത് ലോക്ഡൗണ് നീട്ടി. ജൂണ് 16 വരെയാണ് ലോക്ഡൗണ് നീട്ടിയത്. നിലവിലുള്ള നിയന്ത്രണങ്ങളെല്ലാം തുടരും. വെള്ളിയാഴ്ച കൂടുതല് കടകള് തുറക്കാം.രോഗസ്ഥിരീകരണ നിരക്ക് (ടിപിആര്) 10ല് താഴെയെത്തിയ ശേഷം ലോക്ഡൗണ് പൂര്ണമായി പിന്വലിച്ചാല് മതിയെന്നാണു വിദഗ്ധോപദേശം.
എന്നാല്, രോഗലക്ഷണങ്ങളുള്ളവര് മാത്രം പരിശോധനയ്ക്കു വരുന്നതിനാലാണു ടിപിആര് കൂടുന്നത് എന്നതിനാല് ലോക്ഡൗണില് ഇളവുകള് നല്കാമെന്ന നിര്ദേശവുമുയര്ന്നു. ജനജീവിതം സ്തംഭിച്ചതിനാല് രോഗവ്യാപനം കൂടുതലുള്ള മേഖലകളില് മാത്രം നിയന്ത്രണങ്ങള് തുടരുക എന്ന അഭിപ്രായവും ഉയര്ന്നിരുന്നു.
രണ്ടാം തരംഗത്തില് ടിപിആര് 30ല് നിന്ന് 15ലേക്ക് വളരെപ്പെട്ടെന്നു കുറഞ്ഞുവെങ്കിലും അതിനു ശേഷം കാര്യമായ കുറവുണ്ടായില്ല. തുടര്ന്നാണു നിബന്ധനകള് കര്ശനമാക്കിയത്.