തിരുവനന്തപുരം: തദ്ദേശതെരഞ്ഞെടുപ്പില് സ്ഥാനാര്ത്ഥികളും രാഷ്ട്രീയ കക്ഷികളും മറ്റുള്ളവരും പ്രചാരണ പ്രവര്ത്തനത്തിനായി ബോര്ഡുകള്, ബാനറുകള്, ഹോര്ഡിംഗുകള് മുതലായവ സ്ഥാപിക്കുന്നതും നീക്കം ചെയ്യുന്നതും സംബന്ധിച്ച പുതുക്കിയ മാര്ഗനിര്ദേശങ്ങള് പുറപ്പെടുവിച്ചിട്ടുളളതായി സംസ്ഥാന തെരഞ്ഞെടുപ്പ് കമ്മീഷണര് വി.ഭാസ്കരന് അറിയിച്ചു.
തെരഞ്ഞെടുപ്പ് പ്രചാരണത്തിന് പ്ലാസ്റ്റിക്, പി.വി.സി തുടങ്ങിയ വസ്തുക്കള് ഉപയോഗിക്കാന് പാടില്ല. പരിസ്ഥിതി സൗഹൃദവും മണ്ണില് അലിഞ്ഞു ചേരുന്നതും പുന:ചംക്രമണം ചെയ്യാന് കഴിയുന്നതുമായ വസ്തുക്കള് മാത്രമേ ഉപയോഗിക്കാന് അനുവദിക്കൂ.
കേരള ഹൈക്കോടതിയും സംസ്ഥാന സര്ക്കാരും പുറപ്പെടുവിച്ച ഉത്തരവുകളുടെ അടിസ്ഥാനത്തിലും കോവിഡ് വ്യാപന പശ്ചാത്തലത്തിലുമാണ് പുതുക്കിയ മാര്ഗനിര്ദേശങ്ങള് പുറപ്പെടുവിച്ചിട്ടുളളത്.