മുൻ മന്ത്രി ചെർക്കളം അബ്ദുള്ള അനുസ്മരണ സംഗമത്തിന് മഞ്ചേശ്വരം ഒരുങ്ങുന്നു

കാസറഗോഡ് : മുൻ കേരള തദ്ദേശ സ്വയം ഭരണ വകുപ്പ് മന്ത്രിയും ജില്ല കണ്ട പ്രമുഖ സാമൂഹ്യ രാഷ്ട്രീയ രംഗത്തെ പ്രഗൽഭ നേതാവും ആയിരുന്ന മർഹൂം ചെർക്കളം അബ്ദുള്ള സാഹിബ് അനുസ്മരണ സംഗമത്തിന്റെയും സാംസ്കാരിക സമ്മേളനത്തിന്റെയും വിജയത്തിനായി മഞ്ചേശ്വരം മണ്ഡലം ഒരുങ്ങുന്നു. 2024 ജനുവരി 25 നാണ് കുഞ്ചത്തൂരിലുള്ള മഞ്ചേശ്വരം യതീംഖാന ക്യാമ്പസ്സിൽ സംഗമം പരിപാടി നടക്കുന്നത്.

മണ്ഡലത്തിന്റെ എല്ലാ ഭാഗത്തും പ്രചരണ ബോർഡുകൾ സ്ഥാപിച്ചു കഴിഞ്ഞു. പ്രാദേശിക സംഘാടക സമിതികളും രൂപീകരിച്ച് പ്രവർത്തിച്ച് വരുന്നു. 24, 25 തീയ്യതികളിൽ മൈക്ക് അനൗൺസ്‌മെന്റ് വാഹന പ്രചാരണം നടക്കും. ഒരുങ്ങളുടെ പുരോഗതി വിലയിരുത്താൻ വേണ്ടി ഇന്നലെ മഞ്ചേശ്വരം യതീംഖാന ഓഫീസിൽ ചേർന്ന യോഗം സ്വാഗത സംഘം ചെയർമാൻ അബ്ദുൽ ലത്തീഫ് ഉപ്പള ഗേറ്റ് ഉൽഘാടനം ചെയ്തു. ചെർക്കളം അബ്ദുള്ള ഫൗണ്ടേഷൻ ചെയർമാൻ നാസർ ചെർക്കളം അധ്യക്ഷത വഹിച്ചു. മൊയ്‌ദീൻ കുഞ്ഞി പ്രിയ, സയ്യിദ് ഹാജി, മൂസ്സ ഹാജി,……. തുടങ്ങിയവർ സംബന്ധിച്ചു. ഫൗണ്ടേഷൻ സെക്രട്ടറി ജനറൽ മുജീബ് തളങ്കര സ്വാഗതം പറഞ്ഞു.