ഡല്ഹി: മുന് പ്രധാനമന്ത്രി മന്മോഹന് സിംഗിന്റെ വിയോഗത്തില് അനുശോചനം രേഖപ്പെടുത്തി വയനാട് എം പി പ്രിയങ്കാ ഗാന്ധി. രാഷ്ട്രീയത്തിന്റെ പരുക്കന് ലോകത്തെ സൗമ്യനായ മനുഷ്യനായിരുന്നു അദ്ദേഹമെന്ന് പ്രിയങ്കാ ഗാന്ധി തന്റെ ഔദ്യോഗിക എക്സ് പോസ്റ്റില് കുറിച്ചു. രാഷ്ട്രത്തെ പ്രതിബദ്ധതയോടെ സേവിച്ച നേതാവാണ് മന്മോഹന് സിംഗ്. എതിരാളികളില് നിന്ന് വ്യക്തിപരമായി പോലും ആക്രമണങ്ങള് നേരിടേണ്ടി വന്നിട്ടും അദ്ദേഹം നിലപാടുകളില് നിന്ന് വ്യതിചലിച്ചില്ല. രാഷ്ട്രീയ രംഗത്തെ പരുക്കന് ലോകത്ത് സൗമ്യനായിരുന്നു മന്മോഹന് സിംഗ്. രാജ്യത്തെ യഥാര്ത്ഥമായി സ്നേഹിക്കുന്നവര്ക്കിടയില് അദ്ദേഹം എന്നേക്കും തലയുയര്ത്തി തന്നെ നില്ക്കുമെന്നും പ്രിയങ്കാ ഗാന്ധി കുറിച്ചു.