കവടിയാര് കൊട്ടാരത്തില് വന് കവര്ച്ച. അലമാരയില് സൂക്ഷിച്ചിരുന്ന രണ്ട് കോടി രൂപ വിലവരുന്ന സ്വര്ണമാണ് മോഷണം പോയത്. സ്വര്ണമാലകള്, പാദസരങ്ങള്,വളകള്,കമ്മലുകള്,പതക്കം,മാട്ടി,കുതിരപ്പവന് നാണയങ്ങള് എന്നിവ നഷ്ടമായി. പത്മനാഭ സ്വാമിയുടെ ചിത്രം കൊത്തിയ ആഭരണങ്ങളും വിദേശത്തുനിന്ന് കൊണ്ടുവന്ന ആഭരണങ്ങളും മോഷണം പോയവയിലുണ്ട്. കഴിഞ്ഞ വര്ഷം അവസാനത്തിലാണ് മോഷണം നടന്നത്. ഇരുമ്പ് അലമാരയില് സൂക്ഷിച്ചിരുന്ന സ്വര്ണാഭരണങ്ങളാണ് നഷ്ടമായത്. നാല് മാസം പൊലീസ് രഹസ്യമായി അന്വേഷിച്ചിട്ടും വസ്തുക്കള് കണ്ടെത്താനായില്ലെന്നാണ് വിവരം.