കൊല്ലം കടയ്ക്കലില് പാല് തൊണ്ടയില് കുടുങ്ങി രണ്ട് മാസം പ്രായമായ കുഞ്ഞ് മരിച്ചു. പാങ്ങലുക്കാട് പാരിജാതത്തില് സജിന് – റിനി ദമ്പതികളുടെ മകള് അരിയാനയാണ് മരിച്ചത്. കുഞ്ഞിന് പാല് നല്കിയ ശേഷം ഭര്ത്താവുമായി വീഡിയോ കോള് ചെയ്ത് കൊണ്ടിരിക്കെയാണ് അമ്മ കുഞ്ഞിന് അനക്കമില്ലായെന്ന് ശ്രദ്ധിക്കുന്നത്.
കുഞ്ഞിനെ ഉടന് കടയ്ക്കല് താലൂക്കാശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് അസ്വഭാവിക മരണത്തിന് കടയ്ക്കല് പൊലീസ് കേസ് എടുത്തിട്ടുണ്ട്.