ചലച്ചിത്ര ലോകത്തേക്ക് പ്രവേശിക്കുന്ന കാലഘട്ടത്തില് താന് ഉള്പ്പെടെയുള്ള കലാകാരന്ന്മാര് ആരാധനയോടെ കണ്ട കലാകാരനായിയുന്നു ഷാനവാസ് എന്ന് നടനും എംഎല്എയുമായ മുകേഷ്. പ്രേം നസീറിന്റെ മകനായതുകൊണ്ട് തന്നെ ചെന്നൈയില് വച്ച് അദ്ദേഹത്തെ കാണുമ്പോഴൊക്കെ അഭിമാനം തോന്നാറുണ്ടന്നും അസുഖബാധിതനായി കിടക്കുന്നത് അറിഞ്ഞ് കാണാന് ചെന്നപ്പോള് താന് സിനിമ ലോകത്തേക്ക് മടങ്ങിവരുമെന്ന് അദ്ദേഹം പറയുകയും ചെയ്തിരുന്നുവെന്ന് മുകേഷ് ഫെയ്സ് ബുക്ക് പോസ്റ്റിലൂടെ പങ്കുവെച്ചു. ഷാനവാസിന്റെ വേര്പ്പാടില് ദുഃഖവും അനുശോചനവും മുകേഷ് രേഖപ്പെടുത്തി.
ഫെയ്സ് ബുക്ക് പോസ്റ്റിന്റെ പൂര്ണരൂപം
ആദരാഞ്ജലികള്. ചലച്ചിത്ര ലോകത്തേക്ക് പ്രവേശിക്കുന്ന കാലഘട്ടത്തില് ഞാന് ഉള്പ്പെടെയുള്ള കലാകാരന്മാര് ആരാധനയോടും അത്ഭുതത്തോടും നോക്കിക്കണ്ട ഒരാളായിരുന്നു ഷാനവാസ്.. അന്ന് ചെന്നൈയില് വച്ച് അദ്ദേഹത്തെ കാണുമ്പോഴൊക്കെ ഞങ്ങള്ക്ക് വലിയ അഭിമാനമായിരുന്നു. കാരണം മലയാളത്തിന്റെ മഹാനായ കലാകാരന് പ്രേം നസീറിന്റെ മകനാണ് അദ്ദേഹം. അസുഖബാധിതനായി കിടക്കുന്നത് അറിഞ്ഞ് അടുത്തകാലത്ത് അദ്ദേഹത്തെ കാണാന് ചെന്നപ്പോഴും ഞാന് ഉടനെ സിനിമ ലോകത്തേക്ക് മടങ്ങിവരുമെന്ന് വളരെ ആത്മവിശ്വാസത്തോടെ പറയുകയുണ്ടായി. അദ്ദേഹത്തിന്റെ അപ്രതീക്ഷിതമായ വിയോഗത്തില് ദുഃഖവും അനുശോചനവും രേഖപ്പെടുത്തുന്നു.