മുംബൈ ഭീകരാക്രമണക്കേസ് പ്രതി തഹാവൂര് റാണ അറസ്റ്റില്. ചിത്രങ്ങള് പുറത്തുവിട്ട് എന്ഐഎ. അമേരിക്കയില് നിന്ന് ഇന്നാണ് തഹാവൂര് റാണയെ ഇന്ത്യയിലെത്തിച്ചത്. പാലം വ്യോമസേനാ വിമാനത്താവളത്തിലാണ് റാണയെ ഇറക്കിയത്. തിഹാര് ജയിലിലേക്കാണ് റാണയെ മാറ്റുക.
തിഹാര് ജയിലിലും എന്ഐഎ ആസ്ഥാനത്തും കനത്ത സുരക്ഷയാണ് ഒരുക്കിയിട്ടുള്ളത്. ഡല്ഹി പോലീസ് ‘സ്വാറ്റ് ‘ സംഘമാണ് റാണക്ക് സുരക്ഷ ഒരുക്കിയത്. മുംബൈ ഭീകരാക്രമണ സൂത്രധാരന് തഹാവൂര് റാണയെ തൂക്കിലേറ്റണമെന്ന് ഭീകരാക്രമണത്തില് പരുക്കേറ്റ സുബേദാര് മേജര് പിവി മനേഷ് പറഞ്ഞു. എവിടെപ്പോയാലും പിടികൂടുമെന്ന സന്ദേശമാണ് ഇന്ത്യ തഹാവൂര് റാണയെ കൊണ്ടുവന്നതിലൂടെ നല്കുന്നതെന്നും പിവി മനേഷ് പറഞ്ഞു.