മുനമ്പം ഭൂമി പ്രശ്നം പരിഹരിക്കാൻ സയ്യിദ് സാദിഖലി ശിഹാബ് തങ്ങളുടെ ഇടപെടൽ ക്രൈസ്തവ സമൂഹത്തിന് സന്തോഷം പകരുന്നതാണെന്ന് മലങ്കര ഓർത്തഡോക്സ് സുറിയാനി സഭയുടെ പരമാധ്യക്ഷൻ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ അബുദാബിയിൽ പറഞ്ഞു.
മുനമ്പം പ്രശ്നം രാഷ്ട്രീയവൽക്കരിക്കരുത്. ഇക്കാര്യം വർഗ്ഗീയവൽക്കരണത്തിന് കാരണമാകരുത്. എല്ലാവരെയും അതിശയിപ്പിക്കുന്ന രീതിയിലാണ് സാദഖിലി തങ്ങൾ ഇടപെട്ടത്. ഇത് വളരെയധികം സന്തോഷം നൽകുന്ന കാര്യമാണ്. അദ്ദേഹത്തിന്റെ വിശാല മനസ്സിനെ അഭിനന്ദിക്കുന്നു. സമവായത്തിനുള്ള അദ്ദേഹത്തിന്റെ ശ്രമങ്ങൾ വിജയിക്കട്ടെ എന്ന് അദ്ദേഹം ആശംസിക്കുകയും ചെയ്തു.