Video Stories
മ്യാന്മര് സേനയുടെ ക്രൂരതകള്: ഞെട്ടിക്കുന്ന വിവരങ്ങളുമായി യു.എന് റിപ്പോര്ട്ട്
യാങ്കൂണ്: മ്യാന്മറിലെ റോഹിന്ഗ്യാ മുസ്്ലിം ഗ്രാമങ്ങളില് സൈന്യം കൂട്ടക്കുരുതിയും കൂട്ടബലാത്സംഗങ്ങളും നടത്തിയതായി യു.എന് റിപ്പോര്ട്ട്. വംശഹത്യയായിരുന്നു സൈന്യത്തിന്റെ ലക്ഷ്യമെന്ന് യു.എന് മനുഷ്യാവകാശ കമ്മീഷണര് സെയ്ദ് റഅദ് അല് ഹുസൈന് പറഞ്ഞു. ബംഗ്ലാദേശിലേക്ക് പലായനം ചെയ്ത റോഹിന്ഗ്യാ മുസ്ലിംകള് യു.എന് ഉദ്യോഗസ്ഥര്ക്ക് നല്കിയ മൊഴിയുടെ അടിസ്ഥാനത്തിലാണ് റിപ്പോര്ട്ട് തയാറാക്കിയത്.
ഗുരുതരമായ മനുഷ്യാവകാശ ധ്വംസനങ്ങളാണ് റോഹിന്ഗ്യാ മുസ്്ലിം പ്രദേശങ്ങളില് മ്യാന്മര് സേന നടത്തിയതെന്ന് റിപ്പോര്ട്ടില് പറയുന്നു. കൈക്കുഞ്ഞുങ്ങള് മുതല് മുതിര്ന്നവര് വരെ നൂറുകണക്കിന് ആളുകളെയാണ് സൈന്യം കൊന്നുതള്ളിയത്. അന്വേഷണ സംഘത്തോട് സംസാരിച്ച സ്ത്രീകളില് ഭൂരിഭാഗം പേരും ബലാത്സംഗത്തിനിരയായവരായിരുന്നു. അമ്മമാരുടെ മാറിടത്തില്നിന്ന് കുട്ടികളെ അടര്ത്തിയെടുത്ത് കൊലപ്പെടുത്തിയതിന്റെ ഭീകരമായ വിവരണങ്ങള് റിപ്പോര്ട്ടിലുണ്ട്. ഗ്രാമങ്ങളില് ഇരച്ചുകയറിയ സൈന്യം വീടുകള് അഗ്നിക്കിരയാക്കി.
കുട്ടികളെ ചേര്ത്തുപിടിച്ച് രക്ഷപ്പെടുകയായിരുന്ന മുസ്്ലിംകള്ക്കുനേരെ സൈന്യം വെടിവെച്ചു. ആറു വയസിനു താഴെയുള്ള മൂന്ന് കുട്ടികളെ കഴുത്തറുത്ത് കൊലപ്പെടുത്തുകയായിരുന്നു. ബലാത്സംഗ ശ്രമത്തെ ചെറുത്തതിന് സൈനികര് തന്റെ എട്ടു മാസം പ്രായമുള്ള കുഞ്ഞിനെ കുത്തിക്കൊലപ്പെടുത്തിയതായി ഒരു സ്ത്രീ പറയുന്നു. ഭീകരമായ സംഭവങ്ങളാണ് മ്യാന്മറില് നടക്കുന്നതെന്ന് റഅദ് അല് ഹുസൈന് പറഞ്ഞു. അമ്മയുടെ മുലപ്പാലിനുവേണ്ടി കരയുന്ന കുഞ്ഞിന്റെ നെഞ്ചിലേക്ക് കഠാര കുത്തിയിറക്കാന് ഒരു മനുഷ്യന് എങ്ങനെ സാധിക്കുന്നുവെന്ന് അദ്ദേഹം ചോദിച്ചു. ഏതു തരം തീവ്രവാദ വിരുദ്ധ പ്രവര്ത്തനമാണിത്.
നിരപരാധികളുടെ രക്തം ചിന്തി എന്ത് ദേശീയ സുരക്ഷയാണ് മ്യാന്മര് ഉറപ്പാക്കുന്നത്-അദ്ദേഹം ചോദിച്ചു. അഭയാര്ത്ഥികള്ക്കുനേരെ സൈനിക ഹെലികോപ്ടറുകള് വെടിവെക്കുകയും ഗ്രനേഡ് എറിയുകയും ചെയ്തു. ഒക്ടോബറില് സൈന്യം തുടങ്ങിയ നരനായാട്ട് ഇനിയും അവസാനിച്ചിട്ടില്ല. സൈനിക നടപടി തുടരുമ്പോഴും പിടിച്ചുനില്ക്കാന് ശ്രമിക്കുന്ന മുസ്്ലിംകള് ഓരോ ദിവസവും കടുത്ത പീഡനത്തിനിരയാവുകയാണ്. റോഹിന്ഗ്യന് മേഖലകളില്ലെ മനുഷ്യാവകാശ ധ്വംസനങ്ങള്ക്ക് മൗനാനുവാദം നല്കുന്ന മ്യാന്മര് ഭരണകൂടത്തിനെതിരെ നടപടിയെടുക്കുന്നതിന് യു.എന് രക്ഷാസമിതിയില് ശക്തമായ പ്രമേയം കൊണ്ടുവരണമെന്ന് റിപ്പോര്ട്ട് നിര്ദേശിക്കുന്നു.
ബുദ്ധ ഭൂരിപക്ഷ രാജ്യമായ മ്യാന്മറില് റോഹിന്ഗ്യാ മുസ്്ലിംകള് കടുത്ത പരീക്ഷണങ്ങളിലൂടെയാണ് കടന്നുപോകുന്നത്. അവരെ മ്യാന്മര് പൗരന്മാരായി കണക്കാക്കാനും ഭരണകൂടം തയാറല്ല. തലമുറകളായി രാജ്യത്ത് ജീവിച്ചുപോരുന്ന അവര് ബംഗ്ലാദേശില്നിന്ന് കുടിയേറിയവരാണെന്ന് മ്യാന്മര് ഭരണകൂടം പറയുന്നു. യു.എന് റിപ്പോര്ട്ടിലെ ആരോപണങ്ങളെക്കുറിച്ച് അന്വേഷിക്കുമെന്ന് മ്യാന്മര് നേതാവ് ആങ് സാന് സൂകി ഉറപ്പുതന്നിട്ടുണ്ടെന്ന് റഅദ് അല് ഹുസൈന് അറിയിച്ചു.
Health
എഐ സഹായത്തോടെ ശ്വാസകോശ അര്ബുദം നേരത്തേ കണ്ടെത്താം; നൂതന രക്തപരിശോധന വികസിപ്പിച്ച് ബ്രിട്ടീഷ് ഗവേഷകര്
ശ്വാസകോശ അര്ബുദ കോശങ്ങള്ക്ക് സാധാരണ കോശങ്ങളില് നിന്ന് വ്യത്യസ്തമായ കെമിക്കല് ഫിംഗര്പ്രിന്റ് ഉണ്ടെന്ന് പഠനത്തില് കണ്ടെത്തി
ലണ്ടന്: ശ്വാസകോശ അര്ബുദം (ലങ് കാന്സര്) നേരത്തേ കണ്ടെത്താനും രോഗത്തിന്റെ പുരോഗതി നിരീക്ഷിക്കാനും സഹായിക്കുന്ന നൂതന ഐഎ അധിഷ്ഠിത രക്തപരിശോധന വികസിപ്പിച്ച് യുകെയിലെ ഗവേഷകര്. ‘ ലങ്കാന്സീക്ക് ‘ (LungCanSeek) എന്ന് പേരിട്ടിരിക്കുന്ന ഈ പരിശോധന രോഗനിര്ണയത്തിലെ കാലതാമസം കുറയ്ക്കാനും ചികിത്സ കൂടുതല് ഫലപ്രദമാക്കാനും സഹായിക്കുമെന്ന് ഗവേഷകസംഘം വ്യക്തമാക്കി.
യൂണിവേഴ്സിറ്റി ഹോസ്പിറ്റല്സ് ഓഫ് നോര്ത്ത് മിഡ്ലാന്ഡ്സ് എന്എച്ച്എസ് ട്രസ്റ്റ് (UHNM), കീലെ സര്വകലാശാല, ലോഫ്ബറോ സര്വകലാശാല എന്നിവിടങ്ങളിലെ ഗവേഷകരാണ് ഈ കണ്ടുപിടിത്തത്തിന് പിന്നില്. ഫ്യൂറിയര് ട്രാന്സ്ഫോം ഇന്ഫ്രാറെഡ് (FT-IR) മൈക്രോസ്പെക്ട്രോസ്കോപ്പി എന്ന അത്യാധുനിക സാങ്കേതികവിദ്യയാണ് രക്തപരിശോധനയില് ഉപയോഗിക്കുന്നത്.
ട്യൂമറില് നിന്ന് വേര്പെട്ട് രക്തത്തിലൂടെ സഞ്ചരിക്കുന്ന കാന്സര് കോശങ്ങളെ (Circulating Tumor Cells-CTS) കണ്ടെത്താന് നിലവില് ഉപയോഗിക്കുന്ന രീതികള് സങ്കീര്ണ്ണവും ചെലവേറിയതുമാണ്. പലപ്പോഴും ഈ കോശങ്ങള് രക്തത്തിലെത്തുമ്പോള് ആകൃതിയിലും സ്വഭാവത്തിലും മാറ്റം സംഭവിക്കുന്നതിനാല് കണ്ടെത്താന് കഴിയാതെ പോകാറുണ്ട്. എന്നാല് രക്തത്തിലെ ഓരോ കോശത്തിനും പ്രത്യേകം കെമിക്കല് ഫിംഗര്പ്രിന്റ് ഉണ്ടെന്നും, അത് തിരിച്ചറിയാനാണ് പുതിയ പരിശോധന രൂപകല്പ്പന ചെയ്തിരിക്കുന്നതെന്നും ഗവേഷകര് വിശദീകരിച്ചു.
ശ്വാസകോശ അര്ബുദ കോശങ്ങള്ക്ക് സാധാരണ കോശങ്ങളില് നിന്ന് വ്യത്യസ്തമായ കെമിക്കല് ഫിംഗര്പ്രിന്റ് ഉണ്ടെന്ന് പഠനത്തില് കണ്ടെത്തി. ഐഎ ഉപയോഗിച്ച് ഈ ഡാറ്റ ഡിജിറ്റലായി വിശകലനം ചെയ്യുമ്പോള്, ദശലക്ഷക്കണക്കിന് സാധാരണ കോശങ്ങള്ക്കിടയില് നിന്ന് ഒരു കാന്സര് കോശത്തെ പോലും കണ്ടെത്താന് സാധിക്കുമെന്ന് ഗവേഷകര് പറയുന്നു.
1,814 പേരെ ഉള്പ്പെടുത്തി നടത്തിയ പഠനത്തില് 1,095 പേര് ശ്വാസകോശ അര്ബുദബാധിതരും 719 പേര് കാന്സര് ഇല്ലാത്തവരുമായിരുന്നു. ലങ്കാന്സീക്ക് പരിശോധനയില് ഐഎ പോസിറ്റീവ് ആയി കണ്ടെത്തിയവരെ പിന്നീട് കുറഞ്ഞ ഡോസ് CT സ്കാന് (LDCT) ഉപയോഗിച്ച് സ്ഥിരീകരിച്ചു.
ഈ പുതിയ സമീപനം ഡോക്ടര്മാര്ക്ക് ശ്വാസകോശ അര്ബുദം തുടക്കഘട്ടത്തില് തന്നെ കണ്ടെത്താന് സഹായിക്കുമെന്നും അതോടൊപ്പം അനാവശ്യ സ്കാനുകളും ചികിത്സാചെലവും കുറയ്ക്കാന് കഴിയുമെന്നും ഗവേഷകര് വ്യക്തമാക്കി.
kerala
സംസ്ഥാനത്ത് ഇന്ന് സ്വര്ണ വിലയില് നേരിയ ഇടിവ്
ഒരു പവന് സ്വര്ണത്തിന് ഇന്ന് 80 രൂപയാണ് കുറഞ്ഞിരിക്കുന്നത്.
തിരുവനന്തപുരം: സംസ്ഥാനത്തെ സ്വര്ണവിലയില് ഇന്ന് നേരിയ ഇടിവ്. ഒരു പവന് സ്വര്ണത്തിന് ഇന്ന് 80 രൂപയാണ് കുറഞ്ഞിരിക്കുന്നത്. ഗ്രാമിന് 10 രൂപയും കുറഞ്ഞു. ഇതോടെ സംസ്ഥാനത്ത് ഒരു ഗ്രാം സ്വര്ണത്തിന്റെ വില 11935 രൂപയായി. ഒരു പവന് സ്വര്ണത്തിന് ഇന്ന് 95480 രൂപയും നല്കേണ്ടതായി വരും.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
kerala
പാലക്കാട് ബ്ലോക്ക് പഞ്ചായത്ത് യുഡിഎഫ് സ്ഥാനാര്ത്ഥിക്കും സംഘത്തിനും നേരെ ആക്രമണം; ഒരാള്ക്ക് ഗുരുതര പരിക്ക്
പിന്നില് ബിജെപിയെന്ന് കോണ്ഗ്രസ്
പാലക്കാട്: പാലക്കാട് ബ്ലോക്ക് പഞ്ചായത്ത് യുഡിഎഫ് സ്ഥാനാര്ത്ഥിക്കും സംഘത്തിനും നേരെ ആക്രമണം. പാലക്കാട് കല്ലേക്കാടാണ് സംഭവം. പാലക്കാട് ഡിസിസി സെക്രട്ടറി നന്ദബാലന്റെ വീട്ടിലേക്ക് അതിക്രമിച്ചുകയറിയാണ് ഒരു സംഘം ആക്രമണം നടത്തിയത്. പാലക്കാട് ബ്ലോക്ക് പഞ്ചായത്ത് യുഡിഎഫ് സ്ഥാനാര്ത്ഥിക്കും സംഘത്തിനും നേരെയാണ് ആക്രമണമുണ്ടായത്. സംഭവത്തില് ഒരാളുടെ കണ്ണിന് ഗുരുതര പരിക്കേറ്റു. ആക്രമണത്തിന് പിന്നില് ബിജെപി ആണെന്ന് കോണ്ഗ്രസ് ആരോപിച്ചു.
സംഭവത്തില് അഞ്ച് ബിജെപി പ്രവര്ത്തകരെ പൊലീസ് കസ്റ്റഡിയിലെടുത്തിട്ടുണ്ട്. കല്ലേക്കാട് സ്വദേശികളായ അഞ്ച് ബിജെപി പ്രവര്ത്തകരെയാണ് പാലക്കാട് ടൗണ് നോര്ത്ത് പൊലീസ് കസ്റ്റഡിയിലെടുത്തത്. ഇന്ന് പുലര്ച്ചെ 12 മണിയോടെയാണ് ബിജെപി പ്രവര്ത്തകര് ബ്ലോക്ക് പഞ്ചായത്ത് യുഡിഎഫ് സ്ഥാനാര്ത്ഥി, ഡിസിസി സെക്രട്ടറി, കെഎസ്യു പ്രവര്ത്തകര് എന്നിവരെ ആക്രമിച്ചത്.
തദ്ദേശ തെരഞ്ഞെടുപ്പില് രണ്ടാംഘട്ട വോട്ടെടുപ്പ് നടക്കുന്നതിനിടെയാണ് ആക്രമണം. ഇന്ന് തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് വോട്ടെടുപ്പ് നടക്കുന്നത്.
-
kerala3 days agoരാഷ്ട്രപിതാവിന്റെ ഘാതകര് ഗാന്ധിജിയുടെ പേരിനെയും ഓര്മകളെയും ഭയക്കുന്നു; കേന്ദ്ര സര്ക്കാര് നടപടിയെ വിമര്ശിച്ച് പ്രതിപക്ഷ നേതാവ്
-
india2 days agoട്രെയിനുകളിൽ ലഗേജ് പരിധി: നിശ്ചിത പരിധി കടന്നാൽ അധിക ചാർജ് ഈടാക്കുമെന്ന് റെയിൽവേ മന്ത്രി
-
kerala2 days ago‘പോറ്റിയേ കേറ്റിയേ…’ പാരഡിപ്പാട്ട്: അണിയറപ്രവർത്തകർക്കെതിരെ മതവികാരം വ്രണപ്പെടുത്തിയെന്ന കുറ്റത്തിൽ കേസെടുത്ത് പൊലീസ്
-
GULF3 days agoഇടതുപക്ഷത്തിന്റെ തെരെഞ്ഞെടുപ്പ് തോൽവി; മതേതര മനസ്സുകളെ മുറിവേൽപ്പിച്ചതിനുള്ള തിരിച്ചടി
-
kerala3 days agoകാഞ്ഞങ്ങാട്ട് കുഞ്ഞുങ്ങൾക്ക് നേരെയും സി.പി.എം അക്രമം
-
GULF2 days agoദുബൈ–തിരുവനന്തപുരം എയർ ഇന്ത്യ എക്സ്പ്രസ് വിമാനം വൈകി; 150 യാത്രക്കാർ ദുരിതത്തിൽ
-
News3 days ago‘ഇന്നൊരു പെണ്ണിന്റെ മൂടുപടം മാറ്റിയ ആള് നാളെ എന്റെ കൈകളിലെ വസ്ത്രവും മാറ്റില്ലേ?’; നിതീഷ് കുമാറിനെതിരെ പ്രിയങ്ക കക്കാര്
-
india3 days agoതൊഴിലുറപ്പ് പദ്ധതി ഭേദഗതി ബില്; നാളെ രാജ്യവ്യാപക പ്രതിഷേധത്തിനൊരുങ്ങി കോണ്ഗ്രസ്