More
ശ്രീലങ്കക്കെതിരായ ഇന്ത്യയുടെ ആദ്യ 20ട്വന്റി ഇന്ന്; ബേസില് തമ്പി കളിച്ചേക്കും
ന്യൂഡല്ഹി: പുതിയ മുഖമാണ് ഇന്ത്യയുടെ ടി-20 സംഘത്തിന്… ആ മുഖമാണ് ശ്രീലങ്കയുടെ പ്രതീക്ഷയും. അയല്ക്കാര് തമ്മിലുള്ള കുട്ടി ക്രിക്കറ്റ് പരമ്പര ഇന്നാംരഭിക്കുമ്പോള് തിസാര പെരേര നയിക്കുന്ന സന്ദര്ശകര്ക്ക് പ്രതീക്ഷയേറെയാണ്. ഇന്ത്യയുടെ ശക്തനായ നായകന് വിരാത് കോലിയില്ല, ഓപ്പണര് ശിഖര് ധവാനില്ല, പേസില് പുതിയ കരുത്തായ ഭുവനേശ്വറുമില്ല. പകരം കൊച്ചിക്കാരന് ബേസില് തമ്പി, ഹൈദരാബാദുകാരന് മുഹമ്മദ് സിറാജ്, ചെന്നൈക്കാരന് വാഷിംഗ്ടണ് സുന്ദര് തുടങ്ങിയവരെല്ലാമാണ് കളിക്കുന്നത്. പുത്തന് താരങ്ങളെ സമ്മര്ദ്ദത്തിലാക്കി മല്സരവും പരമ്പരയും സ്വന്തമാക്കാമെന്ന വിശ്വാസത്തിലാണ് ലങ്കയെങ്കില് ഇന്ത്യന് നായകന് രോഹിത് ശര്മ്മ പറയുന്നത് യുവ വെടിക്കെട്ടില് ഇന്ത്യ കരുത്ത് പ്രകടിപ്പിക്കുമെന്നാണ്.
പക്ഷേ ടി 20 റെക്കോര്ഡ് ഇന്ത്യക്ക് അത്ര അനുകൂലമല്ല. 2017 ഇന്ത്യന് ക്രിക്കറ്റിനെ സംബന്ധിച്ച് മികച്ച വര്ഷമാണെങ്കില് ടി-20 യിലേക്ക് വന്നാല് വര്ഷത്തിലെ ഇന്ത്യന് വിജയ റെക്കോര്ഡ് 6-4 എന്ന ക്രമത്തിലാണ്. അതായത് ആര്ക്കെതിരെയും ഇന്ത്യ ജയിക്കും, ആരോടും തോല്ക്കുകയും ചെയ്യും. ക്രിക്കറ്റ് പരമ്പരകളുടെ കാര്യത്തില് കോലിയുടെ സംഘത്തിന് ഒന്നും നഷ്ടമായിട്ടില്ല. പക്ഷേ ടി-20 യിലേക്ക് വരുമ്പോള് വിന്ഡീസിനെതിരായ ഏക മല്സര പരമ്പരയില് ഇന്ത്യ കിംഗ്സ്റ്റണില് തകര്ന്നടിഞ്ഞിരുന്നു. ഇവാന് ലൂയിസ് സെഞ്ച്വറിയുമായി തകര്ത്താടിയ ദിനത്തില് കോലിയുടെ സംഘത്തിന് മറുപടിയുണ്ടായിരുന്നില്ല. അത്തരത്തിലൊരു ആഞ്ഞടിക്കലാണ് ഇന്ന് ലങ്കന് ലക്ഷ്യം.
ബാറ്റിംഗ് ഇന്ത്യക്ക് തലവേദനയാവില്ലെന്നാണ് കരുതപ്പെടുന്നത്. നായകന് രോഹിതിനൊപ്പം ഇന്നിംഗ്സിന് തുടക്കമിടുക സ്വാഭാവികമായിട്ടും ടീമിലേക്ക് തിരിച്ചെത്തിയ കെ.എല് രാഹുലായിരിക്കും. പുതിയ താരം ശ്രേയാസ് അയ്യര്ക്ക് ടീമില് ഇടം ഉറപ്പിക്കാനുള്ള അവസരമാണിത്. ദിനേശ് കാര്ത്തിക്, മനീഷ് പാണ്ഡെ എന്നിവരാണ് മറ്റ് ബാറ്റിംഗ് വിലാസക്കാര്. മഹേന്ദ്രസിംഗ് ധോണിയിലെ അനുഭവസമ്പന്നനെ ഏത് സമയത്തും രംഗത്തിറക്കാം. ഹാര്ദിക് പാണ്ഡ്യ എന്ന ഓള്റൗണ്ടറുടെ കരുത്തും രോഹിത് ഉപയോഗപ്പെടുത്തും.
ലങ്കന് സംഘത്തിന് പ്രശ്നം ടെസ്റ്റ്-ഏകദിന പരമ്പരയില് മിന്നിയ പേസര് സുരംഗ ലക്മലിന്റെ അഭാവമാണ്. ദുഷ്മന്ത ചമീര, വിശ്വ ഫെര്ണാണ്ടോ, നുവാന് പ്രദീപ് എന്നിവരാണ് പുതിയ പേസര്മാര്. ബാറ്റിംഗില് നായകന് തിസാരക്ക് പുറമെ ഉപുല് തംരഗ, ധനുഷ്ക്ക ഗുണതിലകെ, എയ്ഞ്ചലോ മാത്യൂസ് തുടങ്ങിയവരുണ്ട്.കട്ടക്കിലെ ബാരാബതി സ്റ്റേഡിയത്തില് ഇതിന് മുമ്പ് 2015 ല് ഒരു ടി-20 നടന്നിരുന്നു. ഇന്ത്യയും ദക്ഷിണാഫ്രിക്കയും തമ്മില്. ആ മല്സരത്തില് ഇന്ത്യയെ 92 റണ്സിന് പുറത്താക്കിയ ദക്ഷിണാഫ്രിക്ക ആറ് വിക്കറ്റിന് എളുപ്പത്തില് ജയിച്ചിരുന്നു. അന്ന് പേസ് പിച്ചായിരുന്നെങ്കില് അതിന് ശേഷം നടന്ന ഏകദിനങ്ങളില് 350 റണ്സിലധികം നേടി ഇന്ത്യ ശ്രീലങ്കയെയും ഇംഗ്ലണ്ടിനെയും പരാജയപ്പെടുത്തിയിരുന്നു.
Say hello to our new pace attack comprising @JUnadkat, Mohammed Siraj and Basil Thampi. #TeamIndia #INDvSL pic.twitter.com/6fgUlo9hSH
— BCCI (@BCCI) December 19, 2017
ഇന്ത്യ: രോഹിത് ശര്മ (നായകന്), കെ.എല് രാഹുല്, ശ്രേയാസ് അയ്യര്, ദിനേശ് കാര്ത്തിക്, മനീഷ് പാണ്ഡെ, എം.എസ് ധോണി, ഹാര്ദിക് പാണ്ഡ്യ, കുല്ദീപ് യാദവ്, ജയ്ദേവ് ഉനദക്ത്, മുഹമ്മദ് സിറാജ്, ബേസില് തമ്പി, ജസ്പ്രീത് ബുംറ, യൂസവേന്ദ്ര ചാഹല്
ലങ്ക: ധനുഷ്ക ഗുണതിലകെ, ഉപുല് തരംഗ, സദീര സമരവിക്രമ, കുസാല് പെരേര, എയ്ഞ്ചലോ മാത്യൂസ്, നികോഷന് ഡിക്കിവാല, അസീല ഗുണരത്നെ, തിസാര പെരേര (നായകന്), സചിത് പതചിരണ, അഖില ധനജ്ഞയ, ദുഷ്മന്ത ചാമിര, നുവാന് പ്രദീപ്.
tech
33 വര്ഷം മുമ്പ് ലോകത്തെ മാറ്റിയ ‘മെറി ക്രിസ്മസ്’; ആദ്യ എസ്എംഎസിന് ഇന്ന് ജന്മദിനം
1992 ഡിസംബര് 3ന് വോഡഫോണ് എഞ്ചിനിയര് നീല് പാപ്വോര്ത്ത് തന്റെ കമ്പ്യൂട്ടറില് നിന്ന് സഹപ്രവര്ത്തകനായ റിച്ചാര്ഡ് ജാര്വീസിന്റെ ഓര്ബിറ്റല് 901 മൊബൈല് ഫോണിലേക്ക് അയച്ച ‘Merry Christmas’ ആയിരുന്നു ലോകത്തെ ആദ്യ എസ്എംഎസ് സന്ദേശം
വാഷിങ്ടണ്: ആഗോള ആശയവിനിമയത്തില് വിപ്ലവം സൃഷ്ടിച്ച ആദ്യത്തെ ടെക്സ്റ്റ് മെസേജിന് ഇന്ന് 33 വര്ഷം. 1992 ഡിസംബര് 3ന് വോഡഫോണ് എഞ്ചിനിയര് നീല് പാപ്വോര്ത്ത് തന്റെ കമ്പ്യൂട്ടറില് നിന്ന് സഹപ്രവര്ത്തകനായ റിച്ചാര്ഡ് ജാര്വീസിന്റെ ഓര്ബിറ്റല് 901 മൊബൈല് ഫോണിലേക്ക് അയച്ച ‘Merry Christmas’ ആയിരുന്നു ലോകത്തെ ആദ്യ എസ്എംഎസ് സന്ദേശം. അതുവരെ മൊബൈല് ഫോണിലൂടെ എഴുത്ത് സന്ദേശങ്ങള് അയയ്ക്കാനുള്ള സംവിധാനം ഇല്ലാതിരുന്നതിനാല് ഈ ചെറുസന്ദേശം തന്നെ ആശയവിനിമയരംഗത്ത് വലിയ വഴിത്തിരിവായി.
160 അക്ഷരപരിധിയുള്ള ലഘു മെസേജായിരുന്നെങ്കിലും ഈ സാങ്കേതിക പരീക്ഷണം പിന്നീട് ലോകമൊട്ടുക്കും ആശയവിനിമയത്തിന്റെ മുഖച്ഛായ തന്നെ മാറ്റിയ സംഭവമായി. ഈ ആദ്യ സന്ദേശം അയച്ചതോടെ ആശയവിനിമയ രംഗത്ത് പുതിയ അധ്യായം തുടങ്ങിയതും തുടര്ന്ന് എസ്എംഎസ് ആഗോള നിലവാരമായി മാറുകയും ചെയ്തു. ഇന്ന് വാട്ട്സ്ആപ്പ്, ഫേസ്ബുക്ക് മെസഞ്ചര്, ഇന്സ്റ്റാഗ്രാം ഡി.എം., ഇമോജികള്, ഏകഎകള്, ഗ്രൂപ്പ് ചാറ്റുകള് തുടങ്ങി അനവധി സംവിധാനങ്ങളിലൂടെ ഓരോ സെക്കന്ഡിലും ദശലക്ഷക്കണക്കിന് സന്ദേശങ്ങള് ലോകമെമ്പാടും കൈമാറുന്നു.
സോഷ്യല് മീഡിയയില് ഇന്ന് ആദ്യ എസ്എംഎസിനെ കുറിച്ച് രസകരമായ പ്രതികരണങ്ങളും ഉയരുന്നുണ്ട്. ‘ക്രിസ്മസിന് മുന്പേ ‘മെറി ക്രിസ്മസ്’ അയച്ചത് എന്തിനു?’ എന്ന പരിഹാസത്തിനൊപ്പം, ഒരു ലളിതമായ രണ്ട് വാക്കുകളുടെ സന്ദേശം ലോകത്തെ സാങ്കേതിക പുരോഗതിയുടെ വഴി തുറന്ന മഹത്തായ നിമിഷമാണെന്ന് പലരും ഓര്മ്മിപ്പിക്കുന്നു. 33 വര്ഷം മുമ്പ് ആരംഭിച്ച ഈ ചെറുസന്ദേശത്തിന്റെ യാത്ര ഇന്ന് കോടിക്കണക്കിന് ആശയങ്ങള് കൈമാറ്റം ചെയ്യുന്ന അതിവേഗ ഡിജിറ്റല് ലോകത്തിന്റെയും അടിസ്ഥാനം തന്നെയാണെന്ന് വിദഗ്ധര് ചൂണ്ടിക്കാട്ടുന്നു
tech
ഗൂഗിള് ജെമിനി; 2025-ല് ഇന്ത്യയില് ഏറ്റവും കൂടുതല് ജനങ്ങള് തെരഞ്ഞ എ.ഐ. ടൂള്
ഗൂഗിളിന്റെ പുതിയ ‘ഇയര് ഇന് സെര്ച്ച്’ റിപ്പോര്ട്ടിലാണ് ജെമിനി ചാറ്റ് ജിപിടിയെയും പെര്പ്ലെക്സിറ്റിയെയും ഉള്പ്പെടെ നിരവധി എ.ഐ. പ്ലാറ്റ്ഫോമുകളെ മറികടന്ന് ഒന്നാം സ്ഥാനത്തെത്തിയതായി വ്യക്തമാക്കുന്നത്.
2025-ല് ഇന്ത്യയില് ഏറ്റവും കൂടുതല് ജനങ്ങള് തെരഞ്ഞ എ.ഐ. ടൂളായി ഗൂഗിളിന്റെ ജെമിനി എ.ഐ ഉയര്ന്നു. ഗൂഗിളിന്റെ പുതിയ ‘ഇയര് ഇന് സെര്ച്ച്’ റിപ്പോര്ട്ടിലാണ് ജെമിനി ചാറ്റ് ജിപിടിയെയും പെര്പ്ലെക്സിറ്റിയെയും ഉള്പ്പെടെ നിരവധി എ.ഐ. പ്ലാറ്റ്ഫോമുകളെ മറികടന്ന് ഒന്നാം സ്ഥാനത്തെത്തിയതായി വ്യക്തമാക്കുന്നത്.
ഇന്ത്യക്കാര് സര്ഗ്ഗാത്മകതക്കും ഉല്പ്പാദനക്ഷമതക്കും വേണ്ടിയുള്ള എ.ഐ. ഉപകരണങ്ങള് കൂടുതലായി അന്വേഷിക്കുകയാണ് എന്നതാണ് റിപ്പോര്ട്ട് ചൂണ്ടിക്കാണിക്കുന്നത്. ഈ വര്ഷം ഇന്ത്യയില് ഏറ്റവും കൂടുതല് ആളുകള് തിരഞ്ഞത് ഐ.പി.എല് ആയപ്പോള്, അതിന് താഴെ ജെമിനി രണ്ടാമതായി.
ഗൂഗിള് പുറത്തിറക്കിയ ഏറ്റവും ട്രെന്ഡിങ് എ.ഐ. സെര്ച്ച് പട്ടികയിലും ജെമിനി ഒന്നാംസ്ഥാനത്ത്. ‘ജെമിനി എ.ഐ ഫോട്ടോ’ രണ്ടാമതും ഗ്രോക്ക് മൂന്നാമതും ഡീപ്സീക്ക് നാലാമതും പെര്പ്ലെക്സിറ്റി അഞ്ചാമതും ഗൂഗിള് എ.ഐ സ്റ്റുഡിയോ ആറാമതുമാണ്. ചാറ്റ് ജിപിടി ഏഴാം സ്ഥാനത്തും ‘ചാറ്റ് ജിപിടി ഗിബ്ലി ആര്ട്ട്’ എട്ടാം സ്ഥാനത്തും ഫ്ലോ ഒമ്പതാം സ്ഥാനത്തും ‘ഗിബ്ലി സ്റ്റൈല് ഇമേജ് ജനറേറ്റര്’ പത്താംസ്ഥാനത്തുമാണ് സ്ഥാനം പിടിച്ചത്.
ഇന്ത്യയിലെ സമഗ്ര ട്രെന്ഡിങ്ങ് പട്ടികയിലും ജെമിനിയുമായി ബന്ധപ്പെട്ട സെര്ചുകള് തന്നെ മുന്പന്തിയില്. ‘ജെമിനി ട്രെന്ഡ്’ ഒന്നാമതും ‘ഗിബ്ലി ട്രെന്ഡ്’ രണ്ടാമതും ‘3ഡി മോഡല് ട്രെന്ഡ്’ മൂന്നാമതും ‘ജെമിനി സാരി ട്രെന്ഡ്’ നാലാമതും ‘ആക്ഷന് ഫിഗര് ട്രെന്ഡ്’ അഞ്ചാമതും ഇടം പിടിച്ചു.
എ.ഐ. ഉപകരണങ്ങള് ഇന്ത്യയിലെ നിത്യജീവിതത്തിലും സൃഷ്ടിപരവുമായ മേഖലകളിലും കൂടുതല് ചേര്ന്ന് വരുന്നതിന്റെ തെളിവാണ് ഈ റിപ്പോര്ട്ടുകള് വ്യക്തമാക്കുന്നത്.
Auto
റോയല് എന്ഫീല്ഡിന്റെ നാല് പുതിയ കരുത്തുറ്റ മോഡലുകള് ഇന്ത്യയില് എത്താന് ഒരുങ്ങുന്നു
പൂര്ണ്ണമായും പുതിയ സെഗ്മെന്റുകളെ ലക്ഷ്യംവെച്ച് അത്യാധുനിക സാങ്കേതികവിദ്യ ഉള്ക്കൊള്ളിച്ച നാലു പുതിയ മോട്ടോര്സൈക്കിളുകള് പുറത്തിറക്കുമെന്ന് കമ്പനി ഔദ്യോഗികമായി സ്ഥിരീകരിച്ചു.
അടുത്ത 12 മാസത്തിനുള്ളില് ഇന്ത്യയില് ഇതുവരെയുള്ളതില് വച്ച് ഏറ്റവും വലിയ ലോഞ്ചിംഗ് പദ്ധതിയുമായി എത്തിയിരിക്കുകയാണ് റോയല് എന്ഫീല്ഡ്. പൂര്ണ്ണമായും പുതിയ സെഗ്മെന്റുകളെ ലക്ഷ്യംവെച്ച് അത്യാധുനിക സാങ്കേതികവിദ്യ ഉള്ക്കൊള്ളിച്ച നാലു പുതിയ മോട്ടോര്സൈക്കിളുകള് പുറത്തിറക്കുമെന്ന് കമ്പനി ഔദ്യോഗികമായി സ്ഥിരീകരിച്ചു. ഇവയില് പുതുതായി വികസിപ്പിച്ച 650 സിസി മോഡലുകളും റോയല് എന്ഫീല്ഡിന്റെ ആദ്യ ഇലക്ട്രിക് മോട്ടോര്സൈക്കിളും ഉള്പ്പെടുന്നു. ബുള്ളറ്റ് 650 ബ്രാന്ഡിന്റെ ഏറ്റവും ശക്തമായ മോഡലുകളില് ഒന്നായി വിപണിയിലെത്തും.
പരമ്പരാഗത മിനിമലിസ്റ്റ് റെട്രോ ഡിസൈന് നിലനിര്ത്തിയെങ്കിലും പാരലല്ട്വിന് എന്ജിനോടാണ് ഇത് വരുന്നത്. 648 സിസി ട്വിന് എന്ജിന് 47 bhp കരുത്തും 52 Nm ടോര്ക്കും വരെ ഉത്പാദിപ്പിക്കുന്നു. ആറുസ്പീഡ് ഗിയര്ബോക്സിനോടൊപ്പം സ്ലിപ്പ്അസിസ്റ്റ് ക്ലച്ചും ലഭിക്കും. വൃത്താകാര ഹെഡ്ലാമ്പ്, പിന്സ്ട്രിപ്പ് ചേര്ത്ത ടാങ്ക്, മെറ്റല് ഫിനിഷ് തുടങ്ങിയ ഘടകങ്ങള് ക്ലാസിക് ബുള്ളറ്റ് സ്റ്റൈലിംഗിനെ നിലനിര്ത്തുന്നു. കൂടുതല് ശക്തിയുള്ള എന്ജിന് കൈകാര്യം ചെയ്യുന്നതിനായി ഫ്രെയിം ശക്തിപ്പെടുത്തിയിട്ടുണ്ട്. അടുത്ത മാസങ്ങളില് പുറത്തിറങ്ങുന്ന ഈ മോഡലിന്റെ എക്സ്ഷോറൂം വില ഏകദേശം 3.5 ലക്ഷം രൂപയായിരിക്കും. റോയല് എന്ഫീല്ഡിന്റെ 125ാം വാര്ഷികത്തോടനുബന്ധിച്ച് EICMA 2025ല് ക്ലാസിക് 650ന്റെ പ്രത്യേക എഡിഷനും അവതരിപ്പിച്ചു.
ഹൈപ്പര്ഷിഫ്റ്റ് കളര് സ്കീമില് ചുവപ്പും സ്വര്ണ്ണവും മാറിമാറി നല്കുന്ന ഈ പ്രത്യേക പതിപ്പിനും 648 സിസി ട്വിന് എന്ജിനാണ് ഹൃദയം. ക്ലാസിക് മോഡലിന്റെ പാരമ്പര്യ സൗന്ദര്യത്തിന് കൂടുതല് പ്രീമിയം ടെച്ചാണ് ഇത് നല്കുന്നത്. റോയല് എന്ഫീല്ഡിന്റെ ആദ്യ ഇലക്ട്രിക് മോട്ടോര്സൈക്കിളായ ഫ്ലൈയിംഗ് ഫ്ളീ C6 ബ്രാന്ഡിന്റെ ചരിത്രപ്രസിദ്ധമായ എയര്ബോണ് പാരാട്രൂപ്പര് ബൈക്കില് നിന്ന് പ്രചോദനം ഉള്ക്കൊണ്ടതാണ്. അലുമിനിയം ഘടകങ്ങളുള്ള അള്ട്രാലൈറ്റ് ആര്ക്കിടെക്ചറും കോംപാക്റ്റ് ബാറ്ററി കേസും ഉള്ക്കൊള്ളുന്ന ഈ മോഡല് നിയോറെട്രോ ഡിസൈനിലാണ് എത്തുന്നത്.
ഗര്ഡര്സ്റ്റൈല് ഫ്രണ്ട് സെറ്റപ്പും സുതാര്യമായ ബോഡി വര്കും ഇതിനെ റോയല് എന്ഫീല്ഡിന്റെ മറ്റു ബൈക്കുകളില് നിന്ന് വ്യത്യസ്തമാക്കുന്നു. 2026 സാമ്പത്തിക വര്ഷാവസാനത്തോടെ ഈ മോഡലിന്റെ ഉത്പാദനം ആരംഭിക്കും. ഫ്ലൈയിംഗ് ഫ്ളീ 56 ഫ്ളീ C6ന്റെ സാഹസിക പതിപ്പാണ്. സ്ക്രാംബ്ലര് ശൈലിയില് രൂപകല്പ്പന ചെയ്ത ഈ മോഡലിന് മികച്ച സസ്പെന്ഷന് സംവിധാനവും നേരായ റൈഡിംഗ് പൊസിഷനും ഇരട്ട ഉപയോഗചക്രങ്ങളും ലഭിക്കുന്നു. കൂടുതല് കരുത്തുറ്റ ഫ്രെയിമും അതിന്റെ rugged ലുക്കിനും പിന്തുണ നല്കുന്നു. 2026 അവസാനത്തോടെ ലോഞ്ച് ചെയ്യപ്പെടുന്ന ഫ്ളീ 56, C6ന്റെ അതേ ബാറ്ററി ഘടകങ്ങള് പങ്കിടും. റോയല് എന്ഫീല്ഡ് ഈ നാല് പുതിയ മോഡലുകളിലൂടെ ഇന്ത്യന് മോട്ടോര്സൈക്കിള് വിപണിയില് വലിയ മാറ്റങ്ങള് സൃഷ്ടിക്കാമെന്നാണ് പ്രതീക്ഷ.
-
kerala1 day agoഇത് മത്സ്യത്തൊഴിലാളി വിദ്യാര്ത്ഥികളെ ദ്രോഹിച്ച സര്ക്കാര്: ഷാഫി ചാലിയം
-
kerala3 days ago‘ഇത് പുരുഷന്മാര്ക്ക് വേണ്ടിയുള്ള സ്വാതന്ത്ര്യ സമരം, മഹാത്മാഗാന്ധിയുടെ പാതയില് ജയിലില് നിരാഹാര സമരമിരിക്കും’:രാഹുല് ഈശ്വര്
-
kerala2 days agoകെഎസ്ആര്ടിസി ബസ് ഓടിച്ചു എന്ന കുറ്റമേ ഞാന് ചെയ്തിട്ടുള്ളൂ, കമ്മ്യൂണിസ്റ്റ് പാര്ട്ടി എന്നെ ഒരുപാട് ദ്രോഹിച്ചു; ഡ്രൈവര് യദു
-
india2 days agoപ്രതിപക്ഷത്തിനുമുന്നില് മുട്ട് മടക്കി കേന്ദ്രം; എസ്ഐആർ വിഷയത്തിൽ പാർലമെന്റിൽ ചർച്ച വേണമെന്ന ആവശ്യം അംഗീകരിച്ചു
-
kerala3 days agoമുഖ്യമന്ത്രിക്ക് പുതിയ വാഹനം; 1.10 കോടി അനുവദിച്ച് ഉത്തരവിറക്കി
-
india3 days ago‘ദ്രോഹിക്കുന്നതിനും പരിധിയുണ്ട്, കോണ്ഗ്രസിനെ ഞെരുക്കാനുള്ള ശ്രമം വിലപ്പോവില്ല’ കേന്ദ്രസര്ക്കാറിന്റേത് ധാര്മിക മൂല്യത്തകര്ച്ച: ഡി.കെ.ശിവകുമാര്
-
kerala2 days agoവഖ്ഫ് സ്വത്തുക്കളുടെ ഉമീദ് പോര്ട്ടല് രജിസ്ട്രേഷന് സമയം നീട്ടണം; കേന്ദ്ര മന്ത്രിയുമായി ചര്ച്ച നടത്തി മുസ്ലിം ലീഗ് എം.പിമാര്
-
kerala2 days agoകൊല്ലത്ത് എല്ഡിഎഫ് സ്ഥാനാര്ഥിയുടെ സ്വീകരണത്തിനായി കുടുംബശ്രീയില് പണപ്പിരിവ്