നീറ്റ് പരീക്ഷയിൽ ഓൺലൈൻ ആപ്ലിക്കേഷൻ രജിസ്ട്രേഷൻ വിൻഡോ വീണ്ടും തുറക്കണമെന്നാവശ്യപ്പെട്ട് ഹൈക്കോടതിയിൽ ഹർജി.

നീറ്റ് പരീക്ഷയിൽ ഓൺലൈൻ ആപ്ലിക്കേഷൻ രജിസ്ട്രേഷൻ വിൻഡോ വീണ്ടും തുറക്കണമെന്നാവശ്യപ്പെട്ട് ഹൈക്കോടതിയിൽ ഹർജി. രജിസ്ട്രേഷൻറെ അവസാന ദിവസമായ ഏപ്രിൽ 6 ന് നീറ്റ് വെബ് സൈറ്റിലുണ്ടായ സാങ്കേതിക തകരാർ മൂലം രജിസ്ട്രേഷൻ ഫീസ് അടക്കാൻ സാധിച്ചില്ല എന്ന് കാണിച്ച് അപേക്ഷകരായ ഹാനിയ വി, ഫാത്തിമാ നൗറിൻ എ കെ, നേഹാ മനാഫ്, സയ്യദ് അസ്ലo ശിഹാബ് തങ്ങൾ, ഗൗരി എ എം എന്നിവർ അഡ്വ മുഹമ്മദ് ഷാ, അഡ്വ റിനോയ് വിൻസൻ്റ് എന്നിവർ മുഖാന്തിരമാണ് ഹൈക്കോടതിയെ സമീപിച്ചത്. ഇതിൻ്റെ പരിഹാരമാർഗ്ഗം എന്ന നിലയ്ക്ക് നാഷണൽ ടെസ്റ്റിംഗ് ഏജൻസി രെജിസ്ട്രേഷൻ നടത്തുന്നതിനായി 2 ദിവസം നീട്ടി നൽകാൻ ഉള്ള ഉത്തരവിന്ന് തന്നെയിറക്കാം എന്ന് ഹൈക്കോടതിയെ അറിയിച്ചതിൻ്റെ അടിസ്ഥാനത്തിൽ കേസ് വീണ്ടും പരിഗണിക്കുന്നതിനായി ഹൈക്കോടതി 12.04.2023ലേക്ക് മാറ്റി.