തിരുവനന്തപുരം: കേന്ദ്ര സർക്കാരിന്റെ അനുമതി ലഭിച്ചാൽ സംസ്ഥാനത്തെ സ്കൂളുകൾ ഘട്ടം ഘട്ടമായി തുറക്കാമെന്ന് വിദ്യാഭ്യാസ മന്ത്രി. കേന്ദ്രസർക്കാരിനെയും വിദഗ്ധസമിതിയുടെയും നിർദ്ദേശം അനുസരിച്ച് ആയിരിക്കും സ്കൂൾ തുറക്കൽ എന്ന് വിദ്യാഭ്യാസ മന്ത്രി നിയമസഭയിൽ വ്യക്തമാക്കി.
ഡിജിറ്റൽ പഠനത്തിൽ കുട്ടികൾക്ക് കടുത്ത ആരോഗ്യ പ്രശ്നങ്ങൾ കണ്ടെത്തിയതായും മന്ത്രി ചൂണ്ടിക്കാട്ടി.വേണ്ടത് കൃത്യമായ വാക്സിനേഷൻ പ്രക്രിയയാണ് ഇത് കഴിയും വേഗം പൂർത്തിയാക്കിയശേഷം സംസ്ഥാനത്തെ സ്കൂളുകൾ തുറക്കുന്നതിനെ കുറിച്ചാണ് സർക്കാർ ആലോചിക്കുന്നതെന്നും മന്ത്രി പറഞ്ഞു
അതേസമയം കോവിഡ് വ്യാപനം കുറവുള്ള സംസ്ഥാനങ്ങളായ പഞ്ചാബ് ഡൽഹി തുടങ്ങിയവയിൽ സ്കൂളുകൾ തുറന്നു പ്രവർത്തിച്ച് തുടങ്ങിയിട്ടുണ്ട്.