തിരുവനന്തപുരം: ബഫർസോൺ വിഷയത്തിൽ വനമേഖലയ്ക്ക് സമീപം താമസിക്കുന്ന കർഷകരെ സർക്കാർ വഞ്ചിക്കുകയാണ് എന്ന് പ്രതിപക്ഷ നേതാവ് വി ഡി സതീശൻ. നേരിട്ട് തല പരിശോധന നടത്താതെ ഉപഗ്രഹ സർവേ റിപ്പോർട്ട് മാത്രം പരിഗണിച്ച് ബഫർ സോൺ നിശ്ചയിക്കാനുള്ള നീക്കം അംഗീകരിക്കാൻ ആവില്ല,ഇക്കാര്യത്തിൽ ജനങ്ങളെ അണിനിരത്തി പ്രതിരോധം തീർക്കുമെന്ന് സതീശൻ പറഞ്ഞു. കാർഷിക മേഖലകളായ ഇടപമ്പവാലി,എയ്ഞ്ചൽവാലി വാർഡുകൾ പൂർണമായും വനഭൂമിയാണെന്ന് കണ്ടെത്തൽ ഉപഗ്രഹ സർവേ റിപ്പോർട്ടിന്റെ ആ ശാസ്ത്രീയത വ്യക്തമാക്കുന്നതാണെന്നും സതീശൻ ചൂണ്ടിക്കാണിച്ചു.