ഒമാനില്‍ പൊതുഅവധി ദിനങ്ങള്‍ പ്രഖ്യാപിച്ചു

ഒമാനില്‍ ഔദ്യോഗിക അവധിദിനങ്ങള്‍ പ്രഖ്യാപിച്ച്‌ സുല്‍ത്താന്‍ ഹൈത്തം ബിന്‍ താരിക് അല്‍ സഈദിന്റെ രാജകീയ ഉത്തരവ്.

മുഹര്‍റം ഒന്ന്, റബീഉല്‍ അവ്വല്‍ 12, ഇസ്റാഅ് മിഅ്റാജ് (റജബ് 27), ഒമാന്‍ ദേശീയ ദിനം (നവംബര്‍ 18-19), ചെറിയ പെരുന്നാള്‍ (റമദാന്‍ 29 -ശവ്വാല്‍ 3), സുല്‍ത്താന്‍ ഹൈത്തം ബിന്‍ താരിക് അധികാരമേറ്റ ദിനം -ജനുവരി 11, ബലിപ്പെരുന്നാള്‍ (ദുല്‍ഹിജ്ജ 9-12) എന്നിവയാണ് പൊതുഅവധി ദിനങ്ങള്‍.

പൊതു അവധിദിനങ്ങള്‍ വാരാന്ത്യ അവധി ദിനങ്ങളിലാണ് വരുന്നതെങ്കില്‍ പകരം ഒരുദിവസം അവധി നല്‍കും. രണ്ട് പെരുന്നാള്‍ദിനങ്ങള്‍ വെള്ളിയാഴ്ചയായി വന്നാലും മറ്റൊരു ദിവസം അവധിയായി പരിഗണിക്കും.