തെക്കു പടിഞ്ഞാറന് ബംഗാള് ഉള്ക്കലില് വടക്ക് കിഴക്കന് ശ്രീലങ്കന് തീരത്തോട് ചേര്ന്ന് നിലകൊള്ളുന്ന ന്യൂനമര്ദം ശക്തി കൂടിയ ന്യൂനമര്ദമായി മാറി.ഇതിന്റെ ഫലമായി സംസ്ഥാനത്ത് തിങ്കളാഴ്ച വരെ വ്യാപക മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
ശക്തി കൂടിയ ന്യൂനമര്ദ്ദം നാളെ രാവിലെ വരെ വടക്ക് പടിഞ്ഞാറ് ദിശയില് സഞ്ചരിച്ച തമിഴ്നാട് പുതുച്ചേരി തീരത്തേക്ക് നീങ്ങും, നവംബര് 12,13 തീയതികളില് പടിഞ്ഞാറ് വടക്കു പടിഞ്ഞാറു ദിശയില് തമിഴ്നാട് പുതുച്ചേരി, കേരളം എന്നീ പ്രദേശങ്ങളിലൂടെ സഞ്ചരിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേരള ലക്ഷദ്വീപ് തീരങ്ങളില് 2022 നവംബര് 13 14 തീയതികളില് മത്സ്യബന്ധനത്തിന് പോകാന് പാടുള്ളതല്ല എന്നും മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് മണിക്കൂറില് 55 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയും സാധ്യതയുള്ളതായും കാലാവസ്ഥാ നിരീക്ഷണ കേന്ദ്രം അറിയിച്ചു.