നിപ വൈറസ് ബാധയുടെ പശ്ചാത്തലത്തില് ജാഗ്രതാ മുന്കരുതലുകളുടെ ഭാഗമായി കോഴിക്കോട് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും (അങ്കണവാടി,മദ്രസകള് ഉള്പ്പെടെ) സെപ്റ്റംബര് 16നും അവധി പ്രഖ്യാപിച്ചു. നേരത്തെ സെപ്റ്റംബര് 14,15 തിയ്യതികളില് അവധി പ്രഖ്യാപിച്ചിരുന്നു. യൂണിവേഴ്സിറ്റി, പി.എസ്.സി പരീക്ഷകള്ക്ക് മാറ്റമില്ല. ഈ ദിവസങ്ങളില് ജില്ലയിലെ എല്ലാ ട്യൂഷന് സെന്ററുകള്ക്കും കോച്ചിങ് സെന്ററുകള്ക്കും അവധി ബാധകമാണ്. വിദ്യാഭ്യാസ സ്ഥാപനങ്ങള്ക്ക് ഓണ്ലൈന് ക്ലാസ്സുകള് ഒരുക്കാം.