ശബരിമലയിലേക്ക് തീര്ഥാടകര് അലങ്കരിച്ച വാഹനങ്ങളിലെത്തേണ്ടെന്ന് കേരള ഹൈക്കോടതി. പുഷ്പങ്ങളും ഇലകളും വച്ച് വാഹനങ്ങള് അലങ്കരിക്കാന് പാടിലെന്ന് ഹൈക്കോടതി അറിയിച്ചു. പുഷ്പങ്ങളും ഇലകളും വച്ച് വരുന്ന വാഹനങ്ങള്ക്കെതിരെ നടപടിയെടുക്കാന് നിര്ദേശം. വാഹനങ്ങള് അലങ്കരിച്ച് വരുന്നത് മോട്ടര് വാഹന ചട്ടങ്ങള്ക്ക് എതിരെന്ന് ഹൈക്കോടതി അറിയിച്ചു.
പുഷ്പങ്ങളും ഇലകളും വെച്ച് അലങ്കരിക്കുന്ന വാഹനങ്ങള്ക്കെതിരെ നടപടിയെടുക്കണം. ഇത്തരത്തില് വരുന്ന വാഹനങ്ങളില് നിന്നും പിഴ ഈടാക്കാനും നിര്ദേശിച്ചിട്ടുണ്ട്. സര്ക്കാര് ബോര്ഡ് വെച്ചു വരുന്ന വാഹനങ്ങള്ക്കെതിരെയും നടപടിയെടുക്കണമെന്ന് ഹൈക്കോടതി ദേവസ്വം ബെഞ്ച് മോട്ടോര് വാഹന വകുപ്പിന് നിര്ദേശം നല്കി.