india
ചീഫ് മാര്ഷലിനെ ആരും മര്ദ്ദിച്ചിട്ടില്ല, എംഎല്എമാരുടെ സസ്പെന്ഷന് പിന്നില് സ്പീക്കറുടെ ഗൂഢാലോചന: സണ്ണി ജോസഫ്
നിയമസഭയില് ചീഫ് മാര്ഷലിനെ ആരും മര്ദ്ദിച്ചിട്ടില്ലെന്നും പ്രതിപക്ഷ എംഎല്എമാരെ സസ്പെന്ഡ് ചെയ്ത നടപടിക്ക് പിന്നില് സ്പീക്കറുടെ ഗൂഢാലോചനയാണെന്നും കെപിസിസി പ്രസിഡന്റ് സണ്ണി ജോസഫ് എംഎല്എ.
നിയമസഭയില് ചീഫ് മാര്ഷലിനെ ആരും മര്ദ്ദിച്ചിട്ടില്ലെന്നും പ്രതിപക്ഷ എംഎല്എമാരെ സസ്പെന്ഡ് ചെയ്ത നടപടിക്ക് പിന്നില് സ്പീക്കറുടെ ഗൂഢാലോചനയാണെന്നും കെപിസിസി പ്രസിഡന്റ് സണ്ണി ജോസഫ് എംഎല്എ.
ചീഫ് മാര്ഷലിനെ ആരും ആക്രമിച്ചിട്ടില്ല. സഭയിലെ എല്ലാ കാര്യങ്ങളും സഭാ ടിവി സംപ്രേഷണം ചെയ്യുന്നില്ല. മര്ദ്ദനം നടന്നാല് കാണില്ലെ? ഒന്നുമില്ലെങ്കിലും മര്ദ്ദനമേറ്റ വ്യക്തി അസ്വസ്തതകള് പ്രകടിപ്പിക്കില്ലെ? അതൊന്നും ഉണ്ടായില്ല. പകരം സഭ നിര്ത്തിവെച്ച് സ്പീക്കറുടെ ചേമ്പറില് പോയി ഗൂഢാലോചന നടത്തിയ ശേഷമാണ് ചീഫ് മാര്ഷലിന് പരിക്കേറ്റകാര്യം പ്രഖ്യാപിക്കുന്നത്.സമാനരീതിയില് നേരത്തെയും ഇത്തരം ആരോപണം ഉന്നയിച്ചിട്ടുണ്ട്. അന്ന് ആശുപത്രിയില് ഡോക്ടര്മാരുടെ പരിശോധനയില് അത് കളവാണെന്ന് ബോധ്യപ്പെട്ടതാണ്. വിശ്വാസ സമൂഹം കോണ്ഗ്രസിനും യുഡിഎഫിനും ഒപ്പമാണ്. സര്ക്കാരും ഭരണകക്ഷിയും പ്രതിക്കൂട്ടിലാണ്. അതില് നിന്ന് രക്ഷപ്പെടാന് സ്പീക്കറെ കരുവാക്കിയുള്ള ഇത്തരം കളികള് കോണ്ഗ്രസ് നിയമത്തിന്റെ മുന്നിലും ജനകീയ കോടതിയിലും ചോദ്യം ചെയ്ത് പരാജയപ്പെടുത്തുമെന്നും സണ്ണി ജോസഫ് പറഞ്ഞു.
പ്രതിപക്ഷ അംഗങ്ങള് മുദ്രാവാക്യം വിളിച്ച് സഭയില് ന്യായമായ പ്രതിഷേധം നടത്തുന്നത് തടാന് ഭരണപക്ഷം ശ്രമിച്ചു. മന്ത്രിമാര് പ്രതിപക്ഷ അംഗങ്ങളെ കയ്യേറ്റം ചെയ്യുന്ന സാഹചര്യമായിരുന്നു. മുഖ്യമന്ത്രി അതിനെ ന്യായീകരിക്കുന്ന സമീപനമാണ് സ്വീകരിച്ചത്. മുന്പ് ബജറ്റ് അവതരണ സമയത്ത് ധനമന്ത്രിയായിരുന്ന കെഎം മാണിയെ ആക്രമിച്ചവരാണ് ഭരണപക്ഷത്ത് ഇരിക്കുന്നത്. അന്ന് സഭ തല്ലിത്തകര്ക്കുകയും സ്പീക്കറെയും വാച്ച് ആന്റ് വാര്ഡിനെയും ആക്രമിച്ചവരാണ് ഇന്ന് പ്രതിപക്ഷത്തിനെതിരെ വ്യാജ ആരോപണത്തിന്റെ വാളോങ്ങുന്നത്. വി.ശിവന്കുട്ടി മുണ്ട് മാടിക്കെട്ടി സഭയുടെ മേശപ്പുറത്ത് നൃത്തമാടിയത് കേരളം കണ്ടതാണ്. സഭയുടെ അന്തസ്സിന് നിരക്കാത്ത ആ പ്രവര്ത്തി ജനാധിപത്യത്തിന് തീരാകളങ്കമാണ്. അതിനെതിരായ ക്രിമിനല് കേസില് നിന്ന് ഒഴിവാക്കണമെന്ന് സുപ്രീംകോടതിയെ സമീപിച്ചിട്ടും ആ ആവശ്യം കോടതി നിരസിച്ചതാണെന്നും സണ്ണി ജോസഫ് ചൂണ്ടിക്കാട്ടി.
ശബരിമലയിലെ സ്വര്ണ്ണപ്പാളി മോഷ്ടിച്ച പ്രതികളെ പിടിക്കണമെന്ന് ആവശ്യപ്പെട്ടാണ് പ്രതിപക്ഷം ശക്തമായ പ്രതിഷേധം ഉയര്ത്തിയത്. എത്ര സ്വര്ണ്ണം മോഷ്ടിക്കപ്പെട്ടന്നോ, അതെവിടെ പോയെന്നോ, പ്രതികള് ആരെന്നോ ഇതുവരെ കണ്ടെത്തിയിട്ടില്ല. ഒന്നാം പിണറായി സര്ക്കാരിന്റെ കാലത്തെ ദേവസ്വം ബോര്ഡാണ് അതിന്റെ ഉത്തരവാദികളെന്നാണ് ദേവസ്വം മന്ത്രി പറയുന്നത്. ഈ പ്രസ്താവനയിലൂടെ പ്രതിപക്ഷത്തിന്റെ ആക്ഷേപം ഭാഗികമായി മന്ത്രി സമ്മതിക്കുകയാണ്. ദൈവ വിശ്വാസത്തെ തന്നെ ചോദ്യം ചെയ്യുന്നതാണ് കോടിക്കണക്കിന് രൂപ വിലമതിക്കുന്ന സ്വര്ണ്ണം മോഷണം പോയ സംഭവം. ആചാരങ്ങളെയും അനുഷ്ഠാനങ്ങളെയും വിശ്വാസത്തേയും വ്രണപ്പെടുത്തുന്നതാണത്. ശക്തമായ പ്രതിഷേധവുമായി കോണ്ഗ്രസ് മുന്നോട്ട് പോകും. അതിന്റെ തുടക്കമാണ് പത്തനംതിട്ടയില് നടക്കുന്ന വിശ്വാസ സംഗമവും മണ്ഡലംതലത്തില് സംസ്ഥാന വ്യാപകമായി നടക്കുന്ന പ്രതിഷേധ ജ്വാലകളും. ഇതിന് പുറമെ പ്രമുഖ കോണ്ഗ്രസ് നേതാക്കള് നയിക്കുന്ന നാലു ജാഥകളുണ്ട്. ഈ ജാഥകള് 18ന് പന്തളത്ത് സമാപിക്കുമെന്നും സണ്ണി ജോസഫ് പറഞ്ഞു.
india
നൈജീരിയയിലെ സ്കൂളില് അതിക്രമം: 303 വിദ്യാര്ത്ഥികളെയും 12 അധ്യാപകരെയും തട്ടിക്കൊണ്ടുപോയി
ശനിയാഴ്ച നടത്തിയ കണക്ക് പരിശോധിച്ചപ്പോള് 300-ല് അധികം കുട്ടികളെ കാണാനില്ലെന്നതാണ് സ്ഥിരീകരണം.
അബുജ: നൈജീരിയ വീണ്ടും സ്കൂള് തട്ടിക്കൊണ്ടുപോകല് സംഭവത്തിന്റെ നടുവില്. നൈഗര് നോര്ത്ത് സെന്ട്രിലെ സെന്റ് മേരീസ് കാത്തലിക് സ്കൂളില് വെള്ളിയാഴ്ച ആയുധധാരികള് അതിക്രമിച്ചുകയറി 303 വിദ്യാര്ത്ഥികളെയും 12 അധ്യാപകരെയും തട്ടിക്കൊണ്ടുപോയതായി ക്രിസ്ഥാന അസോസിയേഷന് ഓഫ് നൈജീരിയ (CAN) അറിയിച്ചു. ആദ്യം 215 കുട്ടികളെയാണ് കാണാതായതായി റിപ്പോര്ട്ട് ചെയ്തിരുന്നത്. എന്നാല് ശനിയാഴ്ച നടത്തിയ കണക്ക് പരിശോധിച്ചപ്പോള് 300-ല് അധികം കുട്ടികളെ കാണാനില്ലെന്നതാണ് സ്ഥിരീകരണം.
CAN നൈജര് സ്റ്റേറ്റ് ചാപ്റ്റര് ചെയര്മാന് മോസ്റ്റ് റവറന്റ് ബുലസ് ഡൗവ യോഹന്ന സ്കൂള് സന്ദര്ശിച്ചശേഷമാണ് വിവരം സ്ഥിരീകരിച്ചത്. 10നും 18നും ഇടയില് പ്രായമുള്ള പെണ്കുട്ടികളും ആണ്കുട്ടികളുമാണ് തട്ടിക്കൊണ്ടുപോയത്. സംഭവത്തിനിടെ രക്ഷപ്പെടാന് ശ്രമിച്ച 88 കുട്ടികളെയും പ്രതികള് വീണ്ടും പിടികൂടിയതായി വിവരമുണ്ട്.
സംഭവത്തിനു 170 കിലോമീറ്റര് അകലെയുള്ള അയല് സംസ്ഥാനമായ കെബ്ബിയിലും സമാനമായ ആക്രമണം നടന്നിരുന്നു. അവിടെയുള്ള മാഗ പട്ടണത്തിലെ സെക്കന്ഡറി സ്കൂളില് തിങ്കളാഴ്ച നടന്ന ആക്രമണത്തില് 25 വിദ്യാര്ത്ഥികളെ തട്ടിക്കൊണ്ടുപോയിരുന്നു, ഇതില് ഒരാള് രക്ഷപ്പെട്ടെങ്കിലും 24 പേരെ ഇതുവരെ കണ്ടെത്താനായിട്ടില്ല.
അടിക്കടിയുള്ള ഇത്തരം ആക്രമണങ്ങള് സംസ്ഥാനത്ത് വന് സുരക്ഷാ ഭീഷണി സൃഷ്ടിക്കുന്നതായി അധികൃതര് വ്യക്തമാക്കി. കുട്ടികളെ കണ്ടെത്തുകയും സുരക്ഷിതമായി തിരികെ കൊണ്ടുവരാനായി പ്രാദേശിക സംഘങ്ങളെയും പ്രത്യേക സ്ക്വാഡുകളെയും വിന്യസിച്ചു. ആക്രമണത്തിനിടെ സ്കൂളിന്റെ വൈസ് പ്രിന്സിപ്പല് വെടിയേറ്റ് മരിക്കുകയും ചെയ്തു.
സംഭവത്തിന് ഇതുവരെ ആരും ഉത്തരവാദിത്തം ഏറ്റെടുത്തിട്ടില്ല. കുട്ടികളെ രക്ഷപ്പെടുത്താന് സര്ക്കാര്, സുരക്ഷാ ഏജന്സികള് എന്നിവരുമൊത്ത് സംയുക്ത പരിശ്രമം തുടരുകയാണെന്ന് അധികൃതര് അറിയിച്ചു.
india
ജമ്മുകശ്മീരില് മലയാളി സൈനികന് വീരമൃത്യു
സുരന്കോട്ടില് പെട്രോളിംഗ് നടത്തുന്നതിനിടെ കാല് വഴുതി കൊക്കയിലേക്ക് വീണതാണ് ദുരന്തത്തിന് കാരണമായത്.
ജമ്മുകശ്മീരിലെ പൂഞ്ചില് മലയാളി സൈനികന് വീരമൃത്യുവിന് കീഴടങ്ങി. മലപ്പുറം ഒതുക്കുങ്ങല് സ്വദേശിയും സൈന്യത്തില് 27 വര്ഷമായി സേവനമനുഷ്ഠിച്ചുവരികയുമായ സബ്േദാര് സജീഷ് കെ (47) നാണ് മരണം സംഭവിച്ചത്. സുരന്കോട്ടില് പെട്രോളിംഗ് നടത്തുന്നതിനിടെ കാല് വഴുതി കൊക്കയിലേക്ക് വീണതാണ് ദുരന്തത്തിന് കാരണമായത്.
ഇന്നലെ നടന്ന അപകടത്തെ തുടര്ന്ന് സജീഷിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. നിയമനടപടികള് പൂര്ത്തിയാക്കിയ ശേഷം സൈന്യം ഭൗതികശരീരം കരിപ്പൂര് വിമാനത്താവളത്തിലെത്തിച്ചു.
നാളെ രാവിലെ നാട്ടില് പൊതുദര്ശനത്തിനു ശേഷം സംസ്കാരകര്മ്മങ്ങള് നടക്കും.
india
ഡല്ഹിയില് വന് ആയുധക്കടത്ത് സംഘം പിടിയില്
ചൈനയും തുര്ക്കിയും നിര്മ്മിച്ച തോക്കുകളും വെടിയുണ്ടകളും ഡ്രോണ് വഴി രാജ്യത്തേക്ക് കടത്തിയതാണെന്ന് പൊലീസ് സ്ഥിരീകരിച്ചു.
ന്യൂഡല്ഹി: വിദേശ നിര്മിത ആയുധങ്ങള് ഇന്ത്യയില് വിതരണം ചെയ്ത ആയുധക്കടത്ത് സംഘത്തെ ഡല്ഹി പൊലീസ് പിടികൂടി. ചൈനയും തുര്ക്കിയും നിര്മ്മിച്ച തോക്കുകളും വെടിയുണ്ടകളും ഡ്രോണ് വഴി രാജ്യത്തേക്ക് കടത്തിയതാണെന്ന് പൊലീസ് സ്ഥിരീകരിച്ചു. പാകിസ്താനിലെ ഇന്റര്-സര്വീസ് ഇന്റലിജന്സ് (ഐ.എസ്.ഐ.) ബന്ധം സംഘത്തിനുണ്ടെന്ന സംശയവും പൊലീസ് ഉന്നയിക്കുന്നു.
സംഘത്തിലെ നാലുപേരെയാണ് അറസ്റ്റ് ചെയ്തത്. പഞ്ചാബിലെ കൊടുംകുറ്റവാളി മന്ദീപ്, സംഘാംഗങ്ങളായ ഉത്തര്പ്രദേശ് സ്വദേശി രോഹന്, മോനു എന്നിവരാണ് പിടിയിലായത്. 10 വിദേശ തോക്കുകളും 92 വെടിയുണ്ടകളും ഇവരില് നിന്ന് പൊലീസ് പിടിച്ചെടുത്തു. കൊലക്കേസുകളില് പ്രതിയായ സോനു ഖത്രിയുടെ കൂട്ടാളിയാണ് മന്ദീപ് എന്നാണ് പൊലീസ് വ്യക്തമാക്കുന്നത്.
ഡ്രോണ് ഉപയോഗിച്ച് ആയുധങ്ങള് അതിര്ത്തിക്ക് സമീപമുള്ള നിശ്ചിത സ്ഥലങ്ങളില് ഇറക്കിവെക്കുകയും തുടര്ന്ന് സംഘം അത് ശേഖരിച്ചു രാജ്യത്തിന്റെ വിവിധ ഭാഗങ്ങളില് വിതരണം ചെയ്യുകയും ചെയ്തതായാണ് അന്വേഷണത്തില് കണ്ടെത്തിയത്. പിടിയിലാകാതിരിക്കാന് കാര്ബണ് പേപ്പറില് പൊതിഞ്ഞാണ് ആയുധങ്ങള് കടത്തിയതെന്ന് പൊലീസ് പറഞ്ഞു.
സംഘത്തിന്റെ മുഖ്യപ്രതിയായി ജസ്പ്രീത് അഥവാ ‘ജസ്സ’യെയാണ് പൊലീസ് തിരിച്ചറിഞ്ഞിരിക്കുന്നത്. അമേരിക്കയില് സ്ഥിരതാമസക്കാരനായ ഇയാള് പാകിസ്താനുമായി നേരിട്ട് ബന്ധപ്പെടുകയും അവിടെനിന്ന് പ്രവര്ത്തനങ്ങള് നിയന്ത്രിക്കുകയും ചെയ്യുന്നുവെന്നാണു സംശയം. പിടിയിലായവരുടെ മൊബൈല് ഫോണുകള്, ബാങ്ക് ഇടപാടുകള്, സോഷ്യല് മീഡിയ വിവരങ്ങള് എന്നിവ ശേഖരിച്ച് കൂടുതല് അന്വേഷണം തുടരുകയാണ്.
-
india1 day agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
GULF1 day agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
kerala1 day agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
india1 day agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
kerala2 days agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala1 day agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
kerala1 day agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
-
kerala2 days agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്