കല്പ്പറ്റ: വയനാട്ടിലും നോറോ വൈറസ് ബാധ സ്ഥിരീകരിച്ചു. ലക്കിടി നവോദയ വിദ്യാലയത്തിലാണ് വൈറസ് ബാധ സ്ഥിരീകരിച്ചത്. സ്കൂളിലെ 98 വിദ്യാര്ത്ഥികള് ചികിത്സ തേടി. സ്കൂളിലേക്കുള്ള കുടിവെള്ള സ്രോതസില് നിന്നാണ് രോഗം പകര്ന്നത്.
ആലപ്പുഴ വൈറോളജി ലാബിലെ സാമ്പിള് പരിശോധനയിലാണ് വൈറസ് ബാധ കണ്ടെത്തിയത്. നിലവില് ആശങ്കപ്പെടേണ്ട സാഹചര്യമില്ലെന്ന് അധികൃതര് വ്യക്തമാക്കി. നേരത്തെ കൊച്ചിയില് നോറോ വൈറസ് ബാധ സ്ഥിരീകരിച്ചിരുന്നു.
കടുത്ത ഛര്ദി, വയറിളക്കം തുടങ്ങിയവയാണ് രോഗലക്ഷണങ്ങള്. ചെറിയ കുട്ടികള്, പ്രായമായവര്, മറ്റ് അനുബന്ധ രോഗങ്ങളുള്ളവര് എന്നിവരെ നോറോ വൈറസ് ബാധിച്ചാല് ഗുരുതരമാകാന് സാധ്യതയുണ്ട്. മലിന ജലത്തിലൂടെയും, ഭക്ഷണത്തിലൂടെയും രോഗബാധിതരുമായുള്ള സമ്പര്ക്കത്തിലൂടെയും രോഗം പടരാം.