മലപ്പുറം: വളാഞ്ചേരി തിണ്ടലത്ത് കാര് ചെളിയില് കുടുങ്ങി രോഗി മരിച്ചു. കരേക്കാട് സ്വദേശി സെയ്താലിയാണ് മരിച്ചത്. ഇന്ന് പുലര്ച്ചെ നാലുമണിയോടെയാണ് സംഭവം.
നെഞ്ചുവേദന അനുഭവപ്പെട്ട സെയ്താലിയുമായി ആശുപത്രിയിലേക്ക് പോയ കാറാണ് ചെളിയില് കുടുങ്ങിയത്. നാട്ടുക്കാര് ഇദ്ദേഹത്തെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ചികിത്സ കിട്ടാന് വൈകിയതാണു മരണകാരണം.