സംസ്ഥാനത്ത് ഒരാള്ക്ക് കൂടി അമീബിക് മസ്തിഷ്ക ജ്വരം സ്ഥിരീകരിച്ചു. രോഗം സ്ഥിരീകരിച്ച 59കാരന് കോഴിക്കോട് മെഡിക്കല് കോളജില് ചികിത്സയിലാണ്. 12 പേരാണ് അമീബിക് മസ്തിഷ്ക ജ്വരം ബാധിച്ച് കോഴിക്കോട് ചികിത്സയിലുള്ളത്.
അതേസമയം, അമീബിക് മസ്തിഷ്കജ്വരം പടരുന്ന സാഹചര്യത്തില് പൊലീസ് ജലപീരങ്കി ഉപയോഗിക്കുന്നതില് മാര്ഗനിര്ദേശം വേണമെന്ന് ആവശ്യപ്പെട്ട് മനുഷ്യാവകാശ കമ്മീഷനില് യൂത്ത് കോണ്ഗ്രസ് പരാതി നല്കി. യൂത്ത് കോണ്ഗ്രസ് എറണാകുളം വൈസ് പ്രസിഡന്റ് സല്മാന് ആണ് പരാതി നല്കിയത്. ജലപീരങ്കികളില് ഉപയോഗിക്കുന്ന വെള്ളം ശുദ്ധജലം ആണോ എന്ന് എന്ന് ഉറപ്പ് വരുത്തണം എന്നാണ് പരാതിയില് ആവശ്യം