kerala
‘വീണ ജോര്ജിനെ കെ.എസ്.യു ആക്രമിച്ചു എന്ന് തെളിയിച്ചാല് ഒരു പവന് സ്വര്ണം’- പ്രഖ്യാപനവുമായി യൂത്ത് കോണ്ഗ്രസ്
വീണ ജോര്ജിനെ കെ.എസ്.യു പ്രവര്ത്തകര് കയ്യേറ്റം ചെയ്യുന്നത് ഇതുവരെ പുറത്തുവന്ന ദൃശ്യങ്ങളില് കണ്ടെത്താനായിട്ടില്ല.
കണ്ണൂര്: ആരോഗ്യ മന്ത്രി വീണ ജോര്ജിനെ കെ.എസ്.യു ആക്രമിച്ചു എന്ന് തെളിയിക്കുന്ന വീഡിയോ ഹാജരാക്കിയാല് ഒരു പവന് സ്വര്ണം സമ്മാനമായി പ്രഖ്യാപിച്ച് യൂത്ത് കോണ്ഗ്രസ് ജില്ലാ കമ്മിറ്റി. മന്ത്രി വീണ ജോര്ജിനെ കെ.എസ്.യു, യൂത്ത് കോണ്ഗ്രസ് പ്രവര്ത്തകര് ആക്രമിച്ചു എന്ന് പറയുന്ന വീഡിയോ തെളിവായി ഹാജരാക്കിയാല് നിങ്ങള്ക്കും നേടാം ഒരു പവന് സ്വര്ണം എന്നെഴുതിയ പോസ്റ്ററാണ് കോണ്ഗ്രസ് പുറത്തുവിട്ടത്.
വീണ ജോര്ജിനെ കെ.എസ്.യു പ്രവര്ത്തകര് കയ്യേറ്റം ചെയ്യുന്നത് ഇതുവരെ പുറത്തുവന്ന ദൃശ്യങ്ങളില് കണ്ടെത്താനായിട്ടില്ല. മന്ത്രിയുടെ അടുത്ത് കറുത്ത തുണിയുമായി എത്തിയെന്ന രീതിയില് ഒരു വിഡിയോ ദൃശ്യം പ്രചരിച്ചിരുന്നെങ്കിലും ഇത് മന്ത്രിയുടെ ഗണ്മാന് ധരിച്ച കരിനീല വസ്ത്രമാണെന്ന് പിന്നീട് തെളിഞ്ഞു. കെ.എസ്.യു പ്രവര്ത്തകര് മന്ത്രിയുടെ സമീപത്ത് പോലും എത്തിയിട്ടില്ലെന്നും സ്പീക്കര് എ.എന് ഷംസീറിന്റെ നേതൃത്വത്തില് തയ്യാറാക്കിയ മന്ത്രിയുടെ തിരക്കഥയാണിതെന്ന് കോണ്ഗ്രസ് പറഞ്ഞു. മന്ത്രിയുടേത് നാടകമാണെന്നും കഴുത്ത് ഉളുക്കിയതിന് ഐ.സി.യുവില് ചികിത്സിക്കേണ്ട സാഹചര്യമില്ലെന്നുമാണ് കെ.എസ്.യു നേതാക്കള് പറഞ്ഞത്.
kerala
ഉണ്ണികൃഷ്ണന് പോറ്റിക്കെതിരെ ഭൂമി തട്ടിപ്പ് പരാതി; അന്വേഷണം ആരംഭിച്ച് എസ്ഐടി
2020ലാണ് ഉണ്ണികൃഷ്ണന് പോറ്റി ഭൂമി തട്ടിപ്പ് നടത്തിയത്.
തിരുവന്തപുരം: ശബരിമല സ്വര്ണക്കൊള്ള കേസില് ഒന്നാം പ്രതിയായ ഉണ്ണികൃഷ്ണന് പോറ്റിക്കെതിരെ ഭൂമി തട്ടിപ്പ് പരാതി. ഈടായി വാങ്ങിയ ഭൂമി മറിച്ച് വിറ്റെന്ന് കഴക്കുട്ടം സ്വദേശി എസ്ഐടിക്ക് കിട്ടിയ പരാതിയില് പറയുന്നത്. 2020ലാണ് ഉണ്ണികൃഷ്ണന് പോറ്റി ഭൂമി തട്ടിപ്പ് നടത്തിയത്. പരാതി ലഭിച്ചതിന് പിന്നാലെ ഭൂമി തട്ടിപ്പില് എസ്ഐടി അന്വേഷണം ആരംഭിച്ചിട്ടുണ്ട്.
ഈ മാസം അഞ്ചിന് ദ്വാരപാലക കേസിലും കട്ടിളപ്പാളി കേസിലും ഉണ്ണികൃഷ്ണന് പോറ്റിയ്ക്ക് ജാമ്യം ലഭിച്ചിരുന്നു. ഈ മാസം അഞ്ചിന് ദ്വാരപാലക കേസിലും കട്ടിളപ്പാളി കേസിലും ഉണ്ണികൃഷ്ണന് പോറ്റിയ്ക്ക് ജാമ്യം ലഭിച്ചത്. ശബരിമല സ്വര്ണക്കൊള്ളയുമായി ബന്ധപ്പെട്ട് 90 ദിവസമായിട്ടും കുറ്റപത്രം നല്കാത്ത സാഹചര്യത്തിലായിരുന്നു ജാമ്യം നല്കിയത്.
kerala
വെള്ളാപ്പള്ളി നടേശന്റെ പത്മഭൂഷൺ പിൻവലിക്കണം; കേന്ദ്ര സർക്കാറിനോട് വിശദീകരണം തേടി ഹൈക്കോടതി
വിഷയത്തിൽ സംസാഥാന സർക്കാറിനും വെള്ളാപ്പള്ളിക്കും ഹൈക്കോടതി നോട്ടീസ് അയച്ചു
കൊച്ചി: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ പത്മഭൂഷൺ പിൻവലിക്കണമെന്ന ആവശ്യത്തിൽ കേന്ദ്ര സർക്കാറിനോട് ഹൈക്കോടതി വിശദീകരണം തേടി. വിഷയത്തിൽ സംസാഥാന സർക്കാറിനും വെള്ളാപ്പള്ളിക്കും ഹൈക്കോടതി നോട്ടീസ് അയച്ചു.
എസ്.എൻ.ഡി.പി സംരക്ഷ സമിതിയാണ് കോടതിയെ സമീപിച്ചത്. പത്മ പുരസ്കാരങ്ങളെ മുമ്പ് അധിക്ഷേപിച്ച വ്യക്തിക്ക് അതേ ബഹുമതി നൽകുന്നത് പുരസ്കാരത്തിന്റെ അന്തസിനെ ബാധിക്കുമെന്നായിരുന്നു പരാതി. വെള്ളാപ്പള്ളിയുടെ ക്രിമിനൽ പശ്ചാത്തലം കേന്ദ്ര സർക്കാർ പരിശോധിച്ചില്ലെന്നും ഹരജിയിൽ പറഞ്ഞു.
നേരത്തെ പുരസ്കാരം നൽകാനുള്ള തീരുമാനത്തിനെതിരെ സേവ് യൂനിവേഴ്സിറ്റി ക്യാംപയിൻ കമ്മിറ്റി ചെയർമാൻ ആർ.എസ്.ശശികുമാർ രാഷ്ട്രപതി ഭവന് പരാതി നൽകിയിരുന്നു. മേൽ നടപടികൾക്കായി രാഷ്ട്രപതി കേന്ദ്ര ആഭ്യന്തര മന്ത്രാലയത്തിന് പരാതി കൈമാറി. വെള്ളാപ്പള്ളിക്ക് എതിരായ ക്രിമിനൽ കേസുകളും പരാതിയിൽ ചൂണ്ടിക്കാട്ടിയിരുന്നു. കേസ് രണ്ടാഴ്ചക്ക് ശേഷം പരിശോധിക്കും.
kerala
ആരോഗ്യമന്ത്രിയുടെ ശരീരത്തില് തട്ടിയത് ഗണ്മാന്റെ വസ്ത്രം -കെ.എസ്.യു
നൂലിഴ മന്ത്രിയുടെ ദേഹത്ത് സ്പര്ശിച്ചിട്ടില്ല.
കെ.എസ്.യു പ്രതിഷേധത്തിനിടെ ആരോഗ്യമന്ത്രി വീണ ജോര്ജിന് പരിക്ക് പറ്റിയെന്ന ആരോപണത്തില് ദൃശ്യങ്ങള് പുറത്തുവിട്ട് കെഎസ്യു. മന്ത്രിക്കൊപ്പമുള്ള ഗണ്മാന്റെ കറുത്ത ഉടുപ്പാണിതെന്ന് കെഎസ്യു വിശദീകരിച്ചു. ആരോഗ്യമന്ത്രി അഭിനയ റാണിയെന്ന് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യര്. നൂലിഴ മന്ത്രിയുടെ ദേഹത്ത് സ്പര്ശിച്ചിട്ടില്ല. പ്രവര്ത്തകരുടെ കയ്യില് കരിങ്കൊടി മാത്രമാണ് ഉണ്ടായിരുന്നത്. സിസിടിവി കാലത്തും സിപിഎം നുണപറയുകയാണെന്നും ഗൂഢാലോചനയ്ക്ക് പിന്നില് എ.എന്. ഷംസീര് ആണെന്നും അലോഷ്യസ് സേവ്യര് പറഞ്ഞു.
അതേസമയം, വീണാ ജോര്ജിന്റേത് അഭിനയമെന്ന മറുപടിയുമായി വി.ഡി.സതീശന്. ആരോഗ്യമന്ത്രിയെ തടഞ്ഞുനിര്ത്തിയത് പൊലീസാണ്. മന്ത്രിയുടെ കൈയ്യില് പരുക്ക് മുന്പേയുണ്ട്. കെഎസ്യുക്കാര് ആക്രമിച്ചതായി മുഖ്യമന്ത്രിയോട് പറഞ്ഞില്ല. ഗൂഢാലോചന നടത്തിയത് സ്പീക്കര് ഷംസീറാണെന്നും വിഡി സതീശന് പറഞ്ഞു.
-
News3 days agoചലച്ചിത്ര പ്രവര്ത്തകയെ അപമാനിച്ചകേസ്; പി.ടി.കുഞ്ഞുമുഹമ്മദിനെതിരെയുള്ള കുറ്റപത്രം കോടതി അംഗീകരിച്ചു
-
News3 days agoഉച്ചയ്ക്കുശേഷം സ്വർണവിലയിൽ ഇടിവ്
-
News3 days agoഅന്റാര്ട്ടിക്കയില് പക്ഷിപ്പനി പടരുന്നു; പെന്ഗ്വിനുകള്ക്ക് കൂട്ടവംശനാശ ഭീഷണി
-
kerala3 days agoമഹാത്മാഗാന്ധിയെ അധിക്ഷേപിച്ചു: പി.സി. ജോര്ജിനെതിരെ പോലീസില് പരാതി നല്കി യൂത്ത് കോണ്ഗ്രസ്
-
kerala3 days agoകോഴിക്കോട് കെട്ടിട അപകടം: മരണസംഖ്യ നാലായി
-
kerala23 hours agoപെരിയാറില് പെരുമ്പാമ്പുകള് ചത്ത് പൊങ്ങി; ജല മലിനീകരണ സാധ്യത പരിശോധിച്ച് അധികൃതര്
-
india23 hours agoഭരണഘടനയുടെ ആത്മാവില് നിന്ന് സുപ്രിം കോടതി അകലുന്നോ? ഹിമന്തക്കെതിരായ ഹരജി പരിഗണിക്കാത്തതില് ചോദ്യവുമായി ദുഷ്യന്ത് ദവെ
-
kerala23 hours ago‘ചിത്രം വിലയിരുത്താനുള്ള അധികാരം സെന്സര് ബോര്ഡിന്’; ‘ദ കേരള സ്റ്റോറി 2’ ഹൈക്കോടതി കാണുന്നതിനെ എതിര്ത്ത് നിര്മ്മാതാക്കള്