kerala
പാലക്കാട് ഇന്ന് സര്വ്വകക്ഷി യോഗം
പാലക്കാട്: 24 മണിക്കൂറിനിടെ രണ്ട് കൊലപാതകങ്ങള് നടന്നതിന്റെ പശ്ചാത്തലത്തില് ഇന്ന് സര്വ്വകക്ഷി യോഗം ചേരും. മന്ത്രി കെ.കൃഷ്ണന്കുട്ടിയുടെ അധ്യക്ഷതയില് വൈകീട്ട് 3.30ന് കലക്ടറേറ്റ് കോണ്ഫറന്സ് ഹാളിലാണ് യോഗം. യോഗത്തില് പങ്കെടുക്കില്ലെന്ന് ബി.ജെ.പി സംസ്ഥാന പ്രസിഡന്റ് കെ.സുരേന്ദ്രന് പറഞ്ഞെങ്കിലും രാത്രിയോടെ പങ്കെടുക്കുമെന്ന് അറിയിച്ചു.
ജില്ലയില് നടന്ന ഇരട്ടക്കൊലപാതകം പ്രത്യേക സംഘങ്ങള് അന്വേഷിക്കുമെന്ന് എ.ഡി.ജി.പി വിജയ് സാഖറെ. രണ്ട് ഡിവൈ.എസ്.പിമാരുടെ നേതൃത്വത്തിലാണ് അന്വേഷണ സംഘങ്ങള്. എസ്.പിമാര് നേരിട്ട് മേല്നോട്ടം വഹിക്കും. രണ്ട് കേസുകളുമായി ബന്ധപ്പെട്ട് നിരവധിപേരെ ചോദ്യം ചെയ്തുവരികയാണ്. സി.സി.ടി.വി ദൃശ്യങ്ങള് കേന്ദ്രീകരിച്ചാണ് അന്വേഷണം പുരോഗമിക്കുന്നത്. കേസന്വേഷണത്തില് നല്ല പുരോഗതിയുണ്ടെന്നും എ.ഡി.ജി.പി പറഞ്ഞു.
എസ്.ഡി.പി.ഐ പ്രവര്ത്തകന് സുബൈറിന്റെ കൊലപാതകത്തിലെ പ്രതികളെക്കുറിച്ച് പൊലീസിന് വ്യക്തമായ വിവരം ലഭിച്ചിട്ടുണ്ട്. ചിലര് നിരീക്ഷണത്തിലും. ചിലര് കസ്റ്റഡിയിലുമുണ്ട്. അന്വേഷണം നടക്കുന്നതിനാല് പേര് ഇപ്പോള് വെളിപ്പെടുത്തുന്നില്ല. പ്രതികളെ ഉടന് അറസ്റ്റ് ചെയ്യും. ശ്രീനിവാസന്റെ കൊലപാതകത്തിലും പ്രതികളെക്കുറിച്ച് ചില സൂചനകള് ലഭിച്ചിട്ടുണ്ടെന്ന് പൊലീസ് പറഞ്ഞു.
ശനിയാഴ്ച കൊല്ലപ്പെട്ട ആര്.എസ്.എസ് നേതാവ് ശ്രീനിവാസന്റെ മൃതദേഹം വന് ജനാവലിയുടെ സാന്നിധ്യത്തില് സംസ്കരിച്ചു. ഇന്നലെ രാവിലെയാണ് ശ്രീനിവാസന്റെ മൃതദേഹം ജില്ലാ ആശുപത്രിയില് പോസ്റ്റുമോര്ട്ടം നടത്തിയത്. തുടര്ന്ന് 12.30 ഓടെ ബന്ധുക്കള്ക്ക് വിട്ടുകൊടുത്തു. വിലാപയാത്രയായാണ് മേലാമുറിയിലെ പള്ളിപ്പുറത്തെ വീട്ടില് എത്തിച്ചത്. തുടര്ന്ന് കണ്ണകിയമ്മന് സ്കൂളിലെ പൊതുദര്ശനത്തിന് ശേഷമാണ് കറുകോടി ശ്മശാനത്തില് സംസ്കരിച്ചത്. ശ്രീനിവാസന്റെ കൊലയാളികള് എത്തിയ സ്കൂട്ടര് ഒരു സ്ത്രീയുടെ പേരിലുള്ളതാണ്. എന്നാല് ആര്.സി മാത്രമാണ് തന്റെ പേരിലുള്ളതെന്നും ആരാണ് വാഹനം ഉപയോഗിക്കുന്നതെന്ന് അറിയില്ലെന്നുമാണ് സ്ത്രീ നല്കിയ മൊഴി. നാര്ക്കോട്ടിക് സെല് ഡിവൈ.എ്സ്.പിയുടെ നേതൃത്വത്തിലാണ് ചോദ്യംചെയ്യല്.
kerala
വിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
തണ്ണീര്മുക്കത്തുള്ള ബ്യൂട്ടിഷന്റെ അടുത്തുപോയി മടങ്ങും വഴി ആവണി സഞ്ചരിച്ച വാഹനം അപകടത്തില്പ്പെടുകയായിരുന്നു
ആലപ്പുഴ: വിവാഹ ദിവസം വധുവിന് വാഹനാപകടത്തില് പരിക്കേറ്റു. വരന് ആശുപത്രിയില് എത്തി താലികെട്ടി. ആലപ്പുഴയിലാണ് സംഭവം. തുമ്പോളി സ്വദേശികളായ ഷാരോണും ആവണിയും തമ്മിലായിരുന്നു വിവാഹം. തണ്ണീര്മുക്കത്തുള്ള ബ്യൂട്ടിഷന്റെ അടുത്തുപോയി മടങ്ങും വഴി ആവണി സഞ്ചരിച്ച വാഹനം അപകടത്തില്പ്പെടുകയായിരുന്നു. ആവണിക്കൊപ്പമുണ്ടായിരുന്ന മൂന്ന് പേര്ക്കും പരിക്കേറ്റിരുന്നു.
ആലപ്പുഴ ശക്തി ഓഡിറ്റോറിയത്തില് ഇന്ന് ഉച്ചയ്ക്ക് 12.12നും 12.25 നും മധ്യേയായിരുന്നു വിവാഹം നിശ്ചയിച്ചിരുന്നത്. ഇതിനിടെയായിരുന്നു ആവണിക്ക് പരിക്കേല്ക്കുന്നത്. ആദ്യം കോട്ടയം മെഡിക്കല് കോളേജ് ആശുപത്രിയിലാണ് ആവണിയെ പ്രവേശിപ്പിച്ചത്. പിന്നീട് കൊച്ചിയിലെ സ്വകാര്യ ആശുപത്രിയിലേക്ക് മാറ്റി. അപകട വിവരമറിഞ്ഞ് ബന്ധുക്കള് ആശുപത്രിയിലേക്ക് എത്തി.
kerala
കിര്ഗിസ്താനിലേക്ക് പോയ മലയാളി വിദ്യാര്ത്ഥികള് കുടുങ്ങി; ഷാര്ജ വിമാനത്താവളത്തില് 28 പേര് ദുരിതത്തില്
ബുധനാഴ്ച രാത്രി കേരളവും ബംഗളൂരും ഒഴിഞ്ഞ് എയര് അറേബ്യയില് പുറപ്പെട്ട യാത്രക്കാരെയാണ് യുഎഇയിലെ മോശം കാലാവസ്ഥയും കനത്ത മൂടല്മഞ്ഞും ദുരിതത്തിലാക്കിയത്.
ഷാര്ജ : ഇന്ത്യയില് നിന്ന് കിര്ഗിസ്താനിലേക്ക് യാത്രതിരിച്ച 28 പേര് അതില് 15 പേര് മലയാളികളും, ഷാര്ജ വിമാനത്താവളത്തില് കുടുങ്ങിക്കിടക്കുകയാണ്. ബുധനാഴ്ച രാത്രി കേരളവും ബംഗളൂരും ഒഴിഞ്ഞ് എയര് അറേബ്യയില് പുറപ്പെട്ട യാത്രക്കാരെയാണ് യുഎഇയിലെ മോശം കാലാവസ്ഥയും കനത്ത മൂടല്മഞ്ഞും ദുരിതത്തിലാക്കിയത്. മൂടല്മഞ്ഞ് കാരണം വിമാനം ആദ്യം ദുബൈയില് ഇറക്കിയതും 12 മണിക്കൂറിന് ശേഷം ഷാര്ജയിലേക്ക് മാറ്റിയതുമാണ്. എന്നാല് 16 മണിക്കൂറിലേറെയായി വിമാനത്താവളത്തില് കഴിയുന്ന യാത്രക്കാര്ക്ക് ഭക്ഷണം, താമസം, അടിസ്ഥാന സൗകര്യങ്ങള് എന്നിവ ഒന്നും തന്നെ ലഭ്യമാക്കിയിട്ടില്ലെന്നാണ് പരാതി. വിമാനക്കമ്പനി ഇടപെടണമെന്നും, യാത്രക്കാരുടെ പ്രശ്നം അടിയന്തരമായി പരിഹരിക്കണമെന്നും ഇവര് ആവശ്യപ്പെടുന്നു.
kerala
ഉച്ചയ്ക്ക് ശേഷം സ്വര്ണവിലയില് വന് ഇടിവ്
രാവിലെ വില വര്ധനവോടെ തുടങ്ങിയ വിപണി, ഉച്ചയോടെ തിരിച്ചു കയറി.
കൊച്ചി: അന്താരാഷ്ട്ര വിപണിയിലെ നിരക്കിടിവിനെ തുടര്ന്ന് ഇന്ന് (21/11/2025) ഉച്ചയ്ക്ക് ആഭ്യന്തര വിപണിയിലും സ്വര്ണവിലയില് വലിയ കുറവാണ് രേഖപ്പെടുത്തിയത്. രാവിലെ വില വര്ധനവോടെ തുടങ്ങിയ വിപണി, ഉച്ചയോടെ തിരിച്ചു കയറി. ഉച്ചയോടെ 22 കാരറ്റ് സ്വര്ണത്തിന് ഗ്രാമിന് 45 രൂപ കുറഞ്ഞ് 11,365 രൂപ എന്ന നിരക്കിലും പവന് 360 രൂപ ഇടിഞ്ഞ് 90,920 രൂപ എന്ന വിലയിലും വ്യാപാരം നടന്നു. 18 കാരറ്റിന് ഗ്രാമിന് 35 രൂപ കുറഞ്ഞ് 9,350 രൂപ, പവന് 260 രൂപ കുറഞ്ഞ് 74,800 രൂപ എന്ന നിലയിലുമാണ് നിരക്ക്. രാവിലെ ഒരു ഗ്രാം സ്വര്ണവിലയില് 20 രൂപ വര്ധിച്ച് 11,410 രൂപ വരെ എത്തിയിരുന്നു. പവന് 160 രൂപ ഉയര്ന്ന് 91,280 രൂപ ആയിരുന്നു രാവിലെ വില. ഇതേസമയം, അന്താരാഷ്ട്ര വിപണിയില് സ്പോട്ട് ഗോള്ഡിനും ഫ്യൂച്ചര് നിരക്കുകള്ക്കും പതനമാണ് ഉണ്ടായത്. സ്പോട്ട് ഗോള്ഡ് 0.36% ഇടിഞ്ഞ് 4,045.94 ഡോളര് ആയപ്പോള്, രാവിലെ ഇത് 4,072.87 ഡോളര് ആയിരുന്നു. ഗോള്ഡ് ഫ്യൂച്ചര് നിരക്ക് 0.42% ഇടിഞ്ഞ് 4,043.11 ഡോളര് ആയി താഴ്ന്നു. ഇതിനൊപ്പമാണ് വ്യാഴാഴ്ചയും രണ്ടുതവണയായി 55 രൂപ ഇടിവ് രേഖപ്പെടുത്തിയത്. പവന് വിലയില് മാത്രം 440 രൂപ കുറഞ്ഞ് 91,560 രൂപയില് നിന്ന് 91,120 രൂപ എന്ന നിലയിലേക്കാണ് മാറ്റം വന്നത്.
-
kerala2 days agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala1 day agoശബരിമല സ്വര്ണ്ണക്കൊള്ളയുടെ പൂര്ണ്ണ ഉത്തരവാദിത്വം ഇടത് സര്ക്കാരിന്, പത്മകുമാറിന്റെ അറസ്റ്റിലൂടെ സിപിഎം ബന്ധം തെളിഞ്ഞു: പി.കെ കുഞ്ഞാലിക്കുട്ടി
-
kerala22 hours agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്
-
kerala2 days agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala2 days agoഇടത് സര്ക്കാരിനെതിരെ കുറ്റപത്രവുമായി യു.ഡി.എഫ്
-
kerala24 hours agoശബരിമല സ്വര്ണ്ണക്കൊള്ള; കടകംപള്ളി സുരേന്ദ്രന് കുരുക്കായി പത്മകുമാറിന്റെ മൊഴി
-
kerala1 day agoശബരിമല സ്വര്ണക്കൊള്ള സിപിഎമ്മിന്റെ അറിവോടെ, ഇനി ചോദ്യം ചെയ്യേണ്ടത് കടകംപള്ളി സുരേന്ദ്രനെയെന്ന് വി.ഡി സതീശന്
-
kerala23 hours agoഗ്യാസ് സിലിണ്ടര് പൊട്ടിത്തെറിച്ചു; കൊല്ലത്ത് വന് തീപിടിത്തം