പാര്ലമെന്റിന്റെ അടുത്തയാഴ്ച ചേരുന്ന പ്രത്യേക സമ്മേളനത്തിന്റെ അജണ്ട പുറത്തു വിട്ടു. പാര്ലമെന്റിന്റെ 75 വര്ഷത്തെ ചരിത്രവും പ്രാധാന്യവും ഇരുസഭകളും ചര്ച്ച ചെയ്യും. കൂടാതെ തെരഞ്ഞെടുപ്പു കമ്മിഷന് നിയമന ബില് അടക്കം 4 ബില്ലുകളും പ്രത്യേക സമ്മേളനം പരിഗണിക്കും. രാജ്യസഭയുടെയും ലോക്സഭയുടെയും സെക്രട്ടേറിയറ്റുകള് പുറത്തുവിട്ട ബുള്ളറ്റിനിലാണ് പ്രത്യേക സമ്മേളനത്തിന്റെ അജണ്ട വ്യക്തമാക്കിയത്.
തെരഞ്ഞെടുപ്പ് കമ്മീഷണര് നിയമന ബില്, പോസ്റ്റ് ഓഫീസ് ബില്, അഡ്വക്കേറ്റ്സ് ഭേദഗതി ബില്, പ്രസ് ആന്റ് രജിസ്ട്രേഷന് ഓഫ് പീരിയോഡിക്കല്സ് ബില് എന്നിവയാണ് പ്രത്യേക സമ്മേളനത്തില് പരിഗണനയ്ക്ക് വരുന്ന ബില്ലുകള്. സെപ്റ്റംബര് 18 മുതല് 22 വരെയാണ് പാര്ലമെന്റിന്റെ പ്രത്യേക സമ്മേളനം ചേരുന്നത്.
ഏക സിവില് കോഡ്, വനിതാ സംവരണ ബില് തുടങ്ങിയ അവതരിപ്പിക്കാന് വേണ്ടിയാണ് പ്രത്യേക സമ്മേളനം വിളിച്ചതെന്നും പ്രചാരണങ്ങള് ഉണ്ടായിരുന്നു. മഹാരാഷ്ട്രയെ വിഭജിക്കാനാണ് പ്രത്യേക സമ്മേളനം കൂടുന്നതെന്ന് കോണ്ഗ്രസ് നേതാവ് നാനാ പട്ടോളെയും ആരോപിച്ചിരുന്നു. അഭ്യൂഹങ്ങള് പ്രചരിക്കുന്നതിനിടെ, അജണ്ട വ്യക്തമാക്കണമെന്ന് കാട്ടി കോണ്ഗ്രസ് നേതാവ് സോണിയാഗാന്ധി പ്രധാനമന്ത്രിക്ക് കത്തും നല്കിയിരുന്നു.