തിരുവനന്തപുരം: കവിയും ഗാനരചയിതാവുമായ പഴവിള രമേശന് (83) അന്തരിച്ചു. വാര്ധക്യസഹജമായ അസുഖങ്ങളെ തുടര്ന്ന് തിരുവനന്തപുരത്തെ സ്വകാര്യ ആസ്പത്രിയില് ചികിത്സയിലായിരുന്നു. ഇന്ന് രാവിലെ ആറരയോടെയാണ് മരണം സംഭവിച്ചത്. സംസ്കാരം നാളെ നടക്കും. ഭാര്യ- സി.രാധ.മക്കള്- സൂര്യ സന്തോഷ്, സൗമ്യ
കൊല്ലം പെരിനാട് കണ്ടച്ചിറ പഴവിളയില് എന്.എ. വേലായുധന്റെയും കെ. ഭാനുക്കുട്ടിഅമ്മയുടെയും മകനായി ജനിച്ചു. അഞ്ചാലുംമൂട് പ്രൈമറി സ്കൂള്, കരിക്കോട് ശിവറാം ഹൈസ്കൂള്, കൊല്ലം എസ്.എന് കോളേജ്, തിരുവനന്തപുരം യൂണിവേഴ്സിറ്റി കോളേജ് എന്നിവിടങ്ങളിലായിരുന്നു വിദ്യാഭ്യാസം.
2017-ല് സാഹിത്യരംഗത്തിന് നല്കിയ സംഭാവനകള് കണക്കിലെടുത്ത് അദ്ദേഹത്തിന് കേരള സാഹിത്യ അക്കാദമി പുരസ്കാരം നല്കിയിരുന്നു. മഴയുടെ ജാലകം, ഞാന് എന്റെ കാടുകളിലേക്ക്(കവിതാസമാഹാരങ്ങള്), ഓര്മ്മയുടെ വര്ത്തമാനം. മായാത്ത വരകള്, നേര്വര (ലേഖന സമാഹാരങ്ങള്), എന്നിവയാണ് പഴവിള രമേശന് രചിച്ച പുസ്തകങ്ങള്. ഞാറ്റടി, ആംശസകളോടെ, മാളൂട്ടി, അങ്കിള് ബണ്. വസുധ എന്നീ ചിത്രങ്ങള്ക്ക് സംഗീതസംവിധാനം നിര്വഹിച്ചിട്ടുണ്ട്.