കേരളത്തിന്റെ പുരോഗതി ലക്ഷ്യമാക്കി പ്രവര്ത്തിച്ച ജനകീയ നേതാവായിരുന്നു ഉമ്മന് ചാണ്ടിയെന്ന് പ്രധാനമന്ത്രി നരേന്ദ്ര മോദി. ഉമ്മന് ചാണ്ടിയുമൊത്തുള്ള കൂടിക്കാഴ്ചയുടെ ചിത്രങ്ങള് അടക്കമാണ് പ്രധാനമന്ത്രിയുടെ അനുശോചന കുറിപ്പ്. ട്വിറ്ററിലാണ് പ്രധാനമന്ത്രിയുടെ പ്രതികരണം. ആത്മാവിന് നിത്യശാന്തി നേരുന്നതായും കുടുംബത്തിന് വിഷമത്തില് പങ്കുചേരുന്നതായും പ്രധാനമന്ത്രി ട്വീറ്റില് വിശദമാക്കി.
പൊതുസേവനത്തിനായി ജീവിതം ഉഴിഞ്ഞുവെച്ച് കേരളത്തിന്റെ പുരോഗതിക്കായി പ്രവര്ത്തിച്ച എളിമയും സമര്പ്പണവുമുള്ള ഒരു നേതാവിനെയാണ് നമുക്ക് നഷ്ടമായത്. അദ്ദേഹവുമായുള്ള എന്റെ വിവിധ ഇടപഴകലുകള് ഞാന് ഓര്ക്കുന്നു, ഈ ദുഃഖസമയത്ത് എന്റെ ചിന്തകള് അദ്ദേഹത്തിന്റെ കുടുംബത്തിനും പിന്തുണക്കാര്ക്കുമൊപ്പമാണ്. അദ്ദേഹത്തിന്റെ ആത്മാവിന് ശാന്തി നേരുന്നു അദ്ദേഹം കുറിച്ചു.