കൊച്ചി : മലയാള സിനിമയില് വളരെ വിരളമായി മാത്രം നടക്കുന്ന ഞായറാഴ്ച റിലീസിന് എത്തുന്ന ആദ്യ മലയാളചിത്രമെന്ന പ്രത്യേകതയോടെയാണ് എ.ബി. ബിനില് സംവിധാനം ചെയ്ത പൊങ്കാല നവംബര് 30ന് തീയറ്ററുകളിലെത്തുന്നത്. സിനിമയുടെ പേരിന് ഒത്ത ആത്മവിശ്വാസമാണ് റിലീസ് ദിനം ഞായറാഴ്ച ആക്കാന് കാരണമെന്നും സംവിധായകന് പത്രസമ്മേളനത്തില് പറഞ്ഞു. തീരദേശ മേഖലയിലെ യഥാര്ത്ഥ സംഭവത്തെ ആധാരമാക്കിയ പൊങ്കാലയുടെ ഷൂട്ടിങ് ഏറെ വെല്ലുവിളികളോടെയായിരുന്നു. 11 ഫൈറ്റ് സീനുകള് ഉള്പ്പെട്ടതിനാല് ചിത്രീകരണം കഠിനമായിരുന്നുവെന്ന് ബിനില് വ്യക്തമാക്കി. പ്രേക്ഷകര് നിന്ന് ശക്തമായ പിന്തുണ പ്രതീക്ഷിക്കുന്നുവെന്ന് ചിത്രത്തിലെ നായകന് ശ്രീനാഥ് ഭാസിയും അഭിപ്രായപ്പെട്ടു. പത്രസമ്മേളനത്തില് ബാബുരാജ്, അലന്സിയര്, നായിക യാമി സോന, സൂര്യാ ക്രിഷ്, ഇന്ദ്രജിത്ത് ജഗജിത്ത്, ശ്രീരംഗ്, ദാവീദ് ജേക്കബ്, അശ്വമേധ് എന്നിവരും നിര്മ്മാതാക്കളായ അനില് പിള്ള, ദീപു ബോസ് എന്നിവരും പങ്കെടുത്തു. തുടര്ന്ന് ചിത്രത്തിലെ പാട്ടിന് ശ്രീനാഥ് ഭാസിയും അലന്സിയറും ചുവടുവെച്ചു. ഗ്രേസ് ഫിലിം കമ്പനിയാണ് ചിത്രം നവംബര് 30 ന് പുറത്തിറക്കുന്നത്. മാര്ക്കറ്റിംഗ് ബ്രിങ്ഫോര്ത്ത് അഡ്വര്ടൈസിങ്.