തൃശൂരില് ജില്ലാ ശിശു സംരക്ഷണ ഓഫീസില് നെഗറ്റീവ് എനര്ജി പുറന്തള്ളാന് പ്രാര്ഥന നടത്തിയെന്ന ആരോപണത്തില് ആരോഗ്യമന്ത്രി വീണാ ജോര്ജ് അന്വേഷണത്തിന് നിര്ദേശം നല്കി. ആരോപണം അന്വേഷിച്ച് റിപ്പോര്ട്ട് നല്കാന് ആരോഗ്യ വകുപ്പ് മന്ത്രി വീണാ ജോര്ജ് വനിത ശിശുവികസന വകുപ്പ് ഡയറക്ടര്ക്കാണ് നിര്ദേശം നല്കിയിരിക്കുന്നത്.
തൃശൂര് കലക്ടറേറ്റില് പ്രവര്ത്തിക്കുന്ന ശിശു സംരക്ഷണ ഓഫീസിലാണ് നെഗറ്റീവ് എനര്ജി ഒഴിപ്പിക്കാന് പ്രാര്ഥന നടത്തിയത്. രണ്ട് മാസം മുമ്പായിരുന്നു സംഭവം. ജില്ലാ ശിശു സംരക്ഷണ ഓഫീസറുടെ നിര്ദ്ദേശപ്രകാരമായിരുന്നു പ്രാര്ത്ഥന. ഓഫീസ് സമയം തീരും മുമ്പായിരുന്നു ജില്ലാ ശിശു സംരക്ഷണ ഓഫീസറുടെ നേതൃത്വത്തില് നെഗറ്റീവ് എനര്ജി ഒഴിപ്പിക്കാന് പ്രാര്ത്ഥന നടന്നത്.