എം.ഡി.എം.എയുമായി മൂന്ന് യുവാക്കള്‍ അറസ്റ്റില്‍

വില്‍പനക്ക് കൊണ്ടുവന്ന നിരോധിത മയക്കുമരുന്നായ എം.ഡി.എം.എയുമായി മൂന്ന് യുവാക്കളെ വൈത്തിരി പൊലീസ് അറസ്റ്റ് ചെയ്തു. ഇവരില്‍ നിന്ന് 32.5 ഗ്രാം എം.ഡി.എം.എ പിടിച്ചെടുത്തു. താമരശ്ശേരി താരോത്ത് അറക്കല്‍ വീട്ടില്‍ റിജാസ്(30) അടിവാരം നൂറാംതോട് തടത്തിരീക്കാത്ത് സാബിത്ത്(26), കല്‍പറ്റ മുണ്ടേരി ചെറ്റക്കണ്ടി അജ്മല്‍(29) എന്നിവരെയാണ് പൊഴുതന ആനോത്ത് റോഡില്‍ വൈത്തിരി എസ്‌ഐയുടെ നേതൃത്തില്‍ അറസ്റ്റ് ചെയ്തത്.

ജില്ല പൊലീസ് മേധാവി ആര്‍ ആനന്ദിന് ലഭിച്ച രഹസ്യവിവരത്തെത്തുടര്‍ന്ന് ഇന്നലെ പുലര്‍ച്ച വൈത്തിരി പൊലീസ് നടത്തിയ വാഹനപരിശോധനയിലാണ് 32.5 ഗ്രാം എം.ഡി.എം.എ കണ്ടെത്തിയത്.